269
nakkī kare ki ye jñāyakatā hai vah ananta jñāyakatā hai. vah jñāyakatā, itanā jānā isaliye jñāyak hai, aisā nahīṁ. svataḥsiddha jñāyak jisameṁ nahīṁ jānanā aisā ātā hī nahīṁ, aisā ananta-ananta jñāyakatā-se bharā jo svabhāv aur jo sukhako bāharameṁ icchatā hai, vah sukhakā svabhāv, sukhakā samudra svayaṁ hī hai. aisā ananta svabhāvavālā, ananta ānanda jisameṁ bharā hai, ananta jñān jisameṁ bharā hai aur ananta svabhāv-se jo bharā hai aisā maiṁ caitanya hū̃n. us caitanyakī mahimā vicār karake lāve ki vah vastu ananta dharmātmak aur mahimāvaṁt koī anupam hai. usakā vicār karake mahimā lāye. śāstroṁmeṁ ātā hai, ācāryadev kahate haiṁ, gurudev kahate haiaiṁ ki ye vastu koī anupam mahimāvaṁt hai. jo anubhavī haiṁ, gurudev kahate haiṁ, muni kahate haiṁ ki ātmā koī anupam hai. to svayaṁ vicār karake nakkī kare.
svayaṁko to ek jñānasvabhāv hī dikhatā hai, dūsarā kuch dikhatā nahīṁ hai. to svayaṁ vicār karake andar-se svataḥsiddha ananta dharmātmak hai, ananta aciṁtya mahimā-se bharī hai, usakā vicār karake nakkī kare to svayaṁko pratīt āve. dev-guru-śāstra jo kahate haiṁ ki koī apūrva vastu hai, terī vastu apūrva hai, tū usameṁ jā. to vah apūrva kaise hai? usakā vicār karake svayaṁ pratīt kare to ho. usakā lakṣaṇ to amuk dikhatā hai, parantu svayaṁse nakkī karanā paḍatā hai.
bāharameṁ sab jagah ākulatā hai. to nirākulatā aur ānanda-se bharā ek ātmā hai. aisā gurudev kahate haiṁ, ācārya kahate haiṁ, sab kahate haiṁ. aṁtarameṁ hai vah kis prakār- se hai, vah svayaṁ vicār karake, svabhāvako pahicānakar nakkī kare ki usīmeṁ sab hai. to use mahimā āye.
mumukṣuḥ- ananta guṇātmak hai vah sab vicār dvārā nakkī ho sakatā hai?
samādhānaḥ- vicār dvārā nakkī ho sakatā hai. use dikhatā nahīṁ hai, parantu nakkī ho sakatā hai. jo anādiananta vastu ho vah māpavālī nahīṁ ho sakatī. vah ananta agādh svabhāv-se bharī hai. vicār-se nakkī kar sakatā hai. usakī mahimā lā sakatā hai.
mumukṣuḥ- mumukṣuke netra satpuraṣako pahicān letā hai. vahān̐ mumukṣuke netrakā artha satpuruṣakī vāṇīmeṁ ā rahī ātmākī sahaj mahimā aur anyakī usī śabdoṁmeṁ ā rahī kr̥trim mahimā, usake bīcakā bhed karatā hai, aisā kah sakate haiṁ?
samādhānaḥ- usake netra aise hī ho gaye ho. pātratā aṁtarameṁ-se use satya hī cāhiye. satpuruṣakī vāṇīmeṁ koī apūrvatā rahī hai, koī ātmākā svarūp batā rahe haiṁ. dūsarekī vāṇī aur unakī vāṇīkā bhed kar sakatā hai. usakā hr̥day hī aisā ho gayā hai ki mujhe jo cāhiye, koī apūrva vastu, ye kuch apūrva batā rahe haiṁ. vah bhed