270
hai, ki ek ātmā hī cāhiye, jahān̐ ātmārthītā hotī hai, ek ātmākā hī prayojan hai, usake kaṣāy manda hote haiṁ. use viṣay kaṣāyoṁkī lālasā ṭūṭ jātī hai. ek ātmā cāhiye, dūsarā kuch nahīṁ cāhiye. aisī usakī aṁtar-se pariṇati ho jātī hai. usakā nīti, nyāyake sāth sambandha hotā hai.
mumukṣuḥ- samyagdarśan honeke bād nīti jyādā baḍhatī hai, aisā hai?
samādhānaḥ- nītikā samyagdarśanake sāth jitanā sambandha hai utanī hotī hai. vyavahār- se ayogya ho aisī anīti usako nahīṁ hotī. samyagdarśanake sāth bhī nītikā sambandha hai. samyagdarśan hone pūrva bhī nītikā sambandha hotā hai. samyagdarśan honekā bād kahīṁ anītike kārya kare aisā nahīṁ hotā. samyagdarśan honeke bād cāhe jaisā ācaraṇ kare to koī doṣ nahīṁ hai, aisā nahīṁ hai. use cāhe jaisā ācaraṇ hotā hī nahīṁ.
jise svarūp maryādā ho gayī hai, svarūp-se jo bāhar nahīṁ jātā hai, svarūpako choḍakar vibhāvake sāth ekatvabuddhi nahīṁ karatā hai, jo svarūpakī maryādāmeṁ hī rahatā hai, aṁtarameṁ utanī maryādā ā gayī hai, use svarūpācaraṇ cāritra aur bhedajñānakī dhārā vartatī hai, jñāyakakī dhārā (vartatī hai), jo kartā nahīṁ hotā, svarūpameṁ itanī maryādā ā gayī, use bāharakī maryādā, use vibhāvameṁ maryādā ā hī jātī hai. jo svarūpameṁ- se bāhar nahīṁ jātā hai, use amuk maryādā hotī hai. to use vibhāvakī, rāgakī sabakī maryādā hai. use nītike amuk kārya hote hī haiṁ. use sabameṁ maryādā ā jātī hai.
jise andarameṁ maryādā ho gayī, jñāyakako choḍakar kahīṁ jātā nahīṁ, jñāyakakī dhārāke alāvā usakī pariṇati kahīṁ ekatva nahīṁ hotī, to usake pratyek kāryameṁ maryādā hotī hai. maryādā rahit nahīṁ hotā. usakī bhūmikāke yogya use sab hotā hī hai.
mumukṣuḥ- siṁhake bhavameṁ mahāvīr bhagavānako jo samakit prāpta huā, to mun̐hameṁ to abhī māṁs thā.
samādhānaḥ- vah chūṭ jātā hai. phir to usane choḍ diyā. mun̐hake sāth koī sambandha nahīṁ hai. aṁtar-se pariṇati palaṭ gayī aur chūṭ gayā, āhār-pānīkā tyāg kar diyā hai. jahān̐ samyagdarśan huā, vahān̐ siṁhane āhārakā tyāg kar diyā hai. tyāg karake saṁthārā kiyā hai aur devalokameṁ gayā hai. usane choḍ diyā, āhār hī choḍ diyā hai. jahān̐ samyagdarśan, svānubhūti huyī, pariṇati palaṭ gayī vahān̐ āhār choḍ diyā.
mumukṣuḥ- merā kahanā aisā hai ki jo samyagdarśan prāpta hotā hai, usake pahale hey aur upādeyakā vivek karane jāy ki usake pahale ātmākā svasaṁvedan karanekā prayatna kare?
samādhānaḥ- jo svasaṁvedan or muḍā usameṁ hey-upādey sāthameṁ hī hotā hai. sab