270
kāyāse bhinna nahīṁ huā vah vāṁcanā, paḍhanā mithyā hai. to hamārī samajhake sāth-sāth hey aur upādeyakā vivek kyoṁ pragaṭ nahīṁ hotā hai? yā ham sirpha dikhāv karaneke liye yahān̐ āte haiṁ yā phir ātmaprāptikī kuch icchā nahīṁ ho rahī hai? bhavabhramaṇakā trās nahīṁ lagatā hai?
samādhānaḥ- puruṣārthakī mandatā hai. mumukṣuḥ- āp jñānī hoṁ isaliye āpake pās baiṭhate haiṁ. samādhānaḥ- dikhāneke liye nahīṁ parantu apanī rucikī mandatā hai, puruṣārthakī mandatā hai. andar utanī lagī nahīṁ hai ki yah chūṭakar andar jānā hai. utanī ugratā nahīṁ hai. utanī ugratā nahīṁ hotī hai tabatak vicār, vāṁcan, satsaṁg karatā rahe, parantu aṁtarameṁ karanā vahī hai. bhedajñānakī pariṇati karanā vah hai, usakī ekāgratā karanī. cāritrapūrvakakā dhyān bādameṁ munidaśāmeṁ ho, parantu ye samyagdarśan sambandhit dhyān, yā bhedajñān ho aisā dhyān pahale hotā hai. parantu vah dhyān jñānapūrvakakā dhyān honā cāhiye. yathārtha jñān ho to vah dhyān yathārtha hotā hai. parantu utanī svayaṁkī mandatā hai. vicār, vāṁcan, satsaṁg karake bāraṁbār nakkī kare, use dr̥ḍh kare. jabatak na ho tabatak satsaṁg, vicār, vāṁcan karatā rahe. nahīṁ ho rahā hai usakā kāraṇ apanī mandatā hai. dikhāneke liye karatā hai aisā nahīṁ, parantu mandatā hai.