Benshreeni Amrut Vani Part 2 Transcripts-Hindi (iso15919 transliteration).

ṭrek-

275

233

hotā hai. yathārtha dravyako grahaṇ kiyā to jñānameṁ dravya aur paryāy donoṁ jñānameṁ grahaṇ hote haiṁ. darśan evaṁ jñān sāthameṁ hī hote haiṁ. isaliye viṣay to ek caitanyako grahaṇ karanekā hai. jñān sab karatā hai. parantu samyagdarśan prāpta karane hetu bhedajñān kare vah ek hī usakā upāy hai. aur usake liye svayaṁ taiyārī (kare). caitanya koī apūrva vastu hai, koī anupam hai. usakī mahimā āye, usakī lagan lage, bāraṁbār usīkā abhyās kare, vahī usakā upāy hai.

use ekatvabuddhi ṭūṭakar bhedajñān ho. dravyakī dr̥ṣṭi, dravya par dr̥ṣṭi (kare). svase ekatva aur parase vibhakta. vibhāv-se vibhakta honā aur apanemeṁ ekatva honā. vah usakā upāy hai, dūsarā koī nahīṁ hai. aisī bhedajñānakī dhārā pragaṭ ho, maiṁ jñāyak hū̃n. use yād nahīṁ karanā paḍatā, aisī sahaj jñāyakadhārā, sahaj jñātākī dhārā-jñāyakadhārā pragaṭ ho to usameṁ vikalpa chūṭakar nirvikalpa daśā ho. vah usakā upāy hai. parantu usake liye bāraṁbār usakā abhyās karanā cāhiye. caitanyakā dravya, guṇ, paryāy kyā hai? vah śāśvat dravya kaise ho? usakī paryāy kyā hai? vah sab nakkī karake bāraṁbār abhyās kare ki maiṁ bhinna hī hū̃n. ye śarīr maiṁ nahīṁ hūn̐, ye vibhāv merā svabhāv nahīṁ hai. vibhāvakī pariṇati hotī hai, parantu usase bhinna merā svabhāv hai. usase bhinna paḍanekā prayatna kare ki maiṁ jñāyak hū̃n. vah ek hī upāy hai. jñātādhārā pragaṭ karanī, vah ek hī upāy hai.

mumukṣuḥ- jñātādhārā dravyake āśray-se pragaṭ hotī hai. to āśrayakā kyā artha batānā cāhate ho?

samādhānaḥ- āśray arthāt apanā astitva, caitanyakā astitva grahaṇ karanā ki yah maiṁ hūn̐ aur yah maiṁ nahīṁ hū̃n. apanā astitva grahaṇ karake usameṁ sthir khaḍā rahatā hai ki maiṁ yahī hū̃n. anya kuch maiṁ nahīṁ hū̃n. is tarah usakī dr̥ṣṭi vibhāv taraph-se uṭhākar jñāyakakā jo astitva caitanya jo hai, vah maiṁ hū̃n. isaprakār apane jñānasvabhāvako grahaṇ kar le. ye vibhāvake sāth jo jñān hai, vah vibhāvamiśrit jñān nahīṁ, parantu akelā jo jñān hai, vah jñānasvarūp hī maiṁ hū̃n. vah jñān jñāyakake ādhār-se hai. vah guṇ hai parantu vah guṇ jñāyakake ādhār-se hai. isaliye dravyako grahaṇ kare. jñānalakṣaṇ dvārā lakṣyako grahaṇ kare. dravyako grahaṇ kare ki ye jñān, jñān-se bharā jo dravya hai vahī maiṁ hū̃n. isaprakār apane astitvako grahaṇ kare. usameṁ dr̥ṣṭiko sthāpit kare aur usameṁ līnatā kare. usakā ālamban vah dravya hai, anya koī ālamban nahīṁ hai.

bhagavānane, gurudevane ek hī upāy (batāyā hai). jo mokṣa gaye, ve is ek hī upāy-se gaye haiṁ. dūsarā koī usakā upāy nahīṁ hai. caitanyakā āśray grahaṇ kare. bāhar

< Previous Page Next Page >