Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

234 vibhāvakī pariṇati jātī hai. bāraṁbār maiṁ caitanya hūn̐, (aise) apanā astitva grahaṇ kare ki ye jñāyak so maiṁ. vah jñānaguṇ aisā hai ki asādhāraṇ hai. vah lakṣyameṁ āye, khyālameṁ āye aisā jñānaguṇ hai. dūsare kuchaek guṇ asādhāraṇ hai jo svayaṁko jaldī lakṣyameṁ nahīṁ āte haiṁ. parantu ye jñānalakṣaṇ hai, dūsaremeṁ jānanekā lakṣaṇ nahīṁ hai. vah jānanekā lakṣaṇ ek ātmāmeṁ hī hai. jānan lakṣaṇ par-se apanā astitva grahaṇ kare ki ye jānan lakṣaṇ jo hai, us lakṣaṇavālā maiṁ caitanya hū̃n. us jñānake sāth jīvameṁ aise ananta guṇ haiṁ. parantu jñānaguṇ-se pūrā ātmā grahaṇ kare. usameṁ ananta ānanda guṇ, sukh guṇ sab usameṁ hai. parantu ānanda aisā viśeṣ guṇ nahīṁ hai, usase pakaḍameṁ nahīṁ ātā. parantu jñān aisā svabhāv hai ki usase grahaṇ hotā hai. isaliye jñān dvārā ātmā grahaṇ ho sakatā hai. jñānalakṣaṇ yānī ye bāharakā jānā vah jñān, aise nahīṁ. us jñānako dharanevālā kaun hai? jñey jānā, yah jānā, vah jānā vah jñān, aisā nahīṁ. parantu vah jñān kahān̐-se ātā hai? us jñānako dharanevālā, jñānakā astitva kis dravyameṁ rahā hai, us dravyako grahaṇ karanā. ye jānā, jñey-se jñān aisā nahīṁ, parantu maiṁ svayaṁ jñānasvarūp hū̃n. us jñānako dharanevālā kaun caitanya hai? use grahaṇ karanā.

mumukṣuḥ- yah muddekī bāt āyī. jñān svayaṁ apane-se jānatā hai, jñey-se nahīṁ. samādhānaḥ- us jñānako dharanevālā maiṁ caitanya hū̃n. mumukṣuḥ- jñānako dharanevālā hū̃n. samādhānaḥ- jñānako dharanevālā maiṁ caitanya hū̃n. pahale mūl astitvako grahaṇ karanekā prayatna kare ki maiṁ yah caitanya hū̃n.

praśamamūrti bhagavatī mātano jay ho! mātājīnī amr̥t vāṇīno jay ho!

< Previous Page Next Page >