244 vivek karanā.
jo aśuddhatā dikhatī hai vah hai to sahī. terī kuch malinatā hai. vah kyā hai? r dravya-se śuddha hūn̐, dravya terā śuddha hai, parantu abhī malinatā to dikhatī hai. vah paryāyakī hai. isaliye paryāyakā khyāl rakhakar śuddha paryāy pragaṭ kara. terī dravyadr̥ṣṭike jorameṁ līnatā (karake) śuddha paryāy pragaṭ kar to aśuddhatā ṭal jāyegī. aise vivek karanekā hai. to puruṣārtha uṭhegā.
mumukṣuḥ- bahinaśrī! śuddhatā to trikāl dravyameṁ trikāl rahatī hai aur aśuddhatā paryāyameṁ hotī hai. to kyā dravya aur paryāy aisī sīmāvāle do bhāg dravyameṁ hai?
samādhānaḥ- nahīṁ, vastu to anek svabhāvavān hai. dravya jo mūl vastu hai usameṁ aśuddhatākā praveś ho jāy to dravyasvabhāvakā nāś ho jāya. mūl vastumeṁ kahīṁ aśuddhatākā praveś nahīṁ hotā. parantu vah aśuddhatā ūpar-ūpar hai. jaise sphaṭik nirmal hai, lāl- pīlā (raṁg) usake andar praveś ho jāy to sphaṭik hī na rahe. parantu lāl-pīlā jaise ūparakā pratibimba hai, vaise pariṇamatā sphaṭik, parantu vah ūpar hai. andar tadagatarūpase praveś nahīṁ hotā, usake mūlameṁ-talameṁ.
vaise dravya svayaṁ śuddha rahatā hai, parantu usakī paryāyameṁ ūpar-se sab malinatā hotī hai. anādikā jo use karmakā saṁyog aur puruṣārthakī kamajorīke kāraṇ paryāyameṁ malinatā hotī hai. aisā dravya-paryāy vastukā svabhāv hai. dravya-guṇ-paryāya. mūl vastumeṁ śuddhatā rahatī hai aur paryāyameṁ aśuddhatā hotī hai. anādi-se aise hī hai. pānī svabhāv-se nirmal hai. phir bhī usameṁ kīcaḍake nimitta-se malinatā hotī hai. mūlameṁ usakī śuddhatā jātī nahīṁ. mūlameṁ-se śuddhatā nahīṁ jātī hai. ūpar-se sab malinatā hotī hai. mūl jo vastu hai usameṁ śuddhatākā praveś nahīṁ hotā. ūpar-ūpar rahatī hai. parantu vah mān letā hai ki meremeṁ praveś ho gayā hai. aisā banatā hai.
isaliye do bhāg is prakār-se hai. mūl tal aur ūpar-ūpar sab paryāy hai. usakī pariṇati bhale lāl-pīlī ho, parantu mūl vastumeṁ usakā praveś nahīṁ hotā. vaise jñāyak svabhāv aisā hai. usake mūlameṁ malinatā nahīṁ hotī. parantu usakī pariṇati aisī aśuddharūp hotī hai. usako palaṭ sakatā hai. bhāg nahīṁ hai. vah aṁś hai aur yah aṁśī hai. usake aṁśameṁ aisā hotā hai.
mumukṣuḥ- to phir sab saral ho jāya. lekin dravya hāthameṁ nahīṁ ātā.
samādhānaḥ- mūl usakā tal hāth lag jāy to sab saral hai. (vibhāvabhāv) sab ūpar tirate haiṁ, mūl adhik ātmāko jāne ki maiṁ adhik hūn̐, maiṁ jñāyak svabhāv hū̃n. vah sab bhinna hai. mūl usake hāth lag jāy to sab saral hai. usakā svabhāv