277
hāth lag jāy to.
svayaṁ hī hai, koī anya nahīṁ hai ki use duṣkar paḍe. svayaṁ hī hai. svayaṁ apane- se apaneāpako bhūlā hai. mūl yadi hāth lag jāy to sab saral hai. apanī taraph pariṇati muḍe to malinatā chūṭ jāy, usakā bhedajñān hotā haiai.
mumukṣuḥ- aisī vidyā āp dījiye.
samādhānaḥ- aṁtarameṁ aisī lagan lage to yukti hāth lag jāya. use cain paḍe nahīṁ, yukti hāth lage binā. ye vibhāvasvabhāv, ye sab bhedabhāv, maiṁ akhaṇḍa dravya hūn̐, kaise hai? use aṁtarameṁ kahīṁ cain na paḍe. isaliye svayaṁ apaneāpako aṁtar-se khoj letā hai. guru to mārga darśāte haiṁ, karanā apane hāthameṁ hai. gurudevane to upadeśakā dhodh bahāyā hai. karanā svayaṁko bākī rah jātā hai.
mumukṣuḥ- jisakā aṁtaralakṣyī jīvan hai, ve jab bāharameṁ vikalpa hote ho, tab dev-guru-śāstrake vikalpa ho yā bārah bhāvanā ho yā dūsare koī śubhabhāv ho, usameṁ koī pradhānatā dene yogya vikalpa hai ki nahīṁ? jaise, dev-guru-śāstrakī pradhānatā denī, bārah bhāvanākī pradhānatā denī, dravya-guṇ-paryāyakī pradhānatā denī, vikalpātmak?
samādhānaḥ- use jis prakārakā ciṁtavan calatā ho, usakī jis prakārakī pariṇati ho, us jātake bhāv āte haiṁ. dev-guru-śāstrake āye, kabhī bārah bhāvanāke āye, śāstrameṁ to dravya-guṇ-paryāy sab ā jātā hai. use śubhabhāv to anek prakārake āte haiṁ. jise jahān̐ jis prakārakī ruci ho, us jātake bhāv āte haiṁ. us jātake bhāv amuk bhūmikāmeṁ hote haiṁ.
sab use amuk prakār-se śubhabhāvanāmeṁ sāthameṁ hotā hai. kabhī kuch mukhya ho jātā hai, kabhī kuch mukhya hotā hai. prasaṁg anusār kabhī bārah bhāvanā mukhya ho jāy, aur dev-guru-śāstra to usake hr̥dayameṁ hote haiṁ to ve mukhya ho jāte haiṁ. prasaṁg anusār kabhī bārah bhāvanā (hotī hai), kabhī śrutakā ciṁtavan (calatā hai). usameṁ use jis prakārakā ras ātā ho, vaisā use jyādā rahatā hai. aur prasaṁg anusār vah baḍh bhī jātā hai. aisā bhī banatā hai.
mumukṣuḥ- tīrthaṁkar dīkṣā lene-se pahale bārah bhāvanākā ciṁtavan karate haiṁ, vairāgya vr̥ddhike liye.
samādhānaḥ- use dīkṣāke sāth sambandha hai. ekadam vairāgya ā gayā hai, bārah bhāvanāke sāth sambandha hai. use dīkṣā lenekī jo bhāvanā huyī, usake sāth us prakārakī vairāgyakī bārah bhāvanā utpanna hotī hai. vairāgyakā ciṁtavan unheṁ ātā hai, munidaśā aṁgīkār karate haiṁ isaliye. usake sāth usakā sambandha hai.