277
bāt jisameṁ ātī ho aur aise ātmākā upadeś jahān̐ milatā ho, usakā vicār karanekī āvaśyakatā hai.
ātmā bhinna hai aur ye sab bhinna hai. ātmā bhinna jñāt ho to phir bāharakā saṁpradāy kaun-sā hotā hai, vah bādameṁ mālūm paḍatā hai. saṁpradāyameṁ-se mokṣa nahīṁ hotā. parantu aṁtarameṁ-se mokṣa hotā hai. parantu aṁtarameṁ-se jab mokṣa hotā hai, tab amuk jātakā hī mārga hotā hai. vah mārga kaun-sā hai, usakā bādameṁ vicār karanā. parantu pahale ātmā bhinna hai. ātmākā mokṣa abhī tak kyoṁ nahīṁ huā? isaliye aṁtarameṁ koī mārga hī alag hai. us mārgakā pahale vicār karane jaisā hai. kisī bhī saṁpradāyameṁ- se mokṣa nahīṁ hotā, parantu aṁtarameṁ-se mokṣa hotā hai. ataḥ aṁtarameṁ dekhanā hai. aṁtar dr̥ṣṭi karanī hai.
jisameṁ ātmākī bāt ātī ho, jisameṁ ātmākā koī apūrva anupam svarūp ātā ho, jisameṁ ātmākī svānubhūtikī bāt ātī ho, jaise siddha bhagavān hai, vaisā ātmākā svarūp hai, usakī svānubhūti andarameṁ svayaṁ ātmāko pahacāne to usakī svānubhūti hotī hai, vah bāt kaun karatā hai? usake upadeśameṁ koī apūrvatā hotī hai. śrīmadakī vāṇī, gurudevakī vāṇī, vah koī apūrva vāṇī hai. us vāṇīmeṁ andar kuch alag hī hotā hai. usakā vicār karanekī āvaśyakatā hai.
bākī jīv bāharakā bahut bār karatā hai. vah śubhabhāv bhī karatā hai, bāhya kriyā (karatā hai), puṇya bān̐dhe, devameṁ jāye, phir devameṁ-se paribhramaṇ khaḍā hī rahatā hai. isaliye ātmā andar bhinna hai aur vah aṁtarameṁ-se bhinna paḍ jāy to aṁtarameṁ mukti hotī hai. pahale āṁśik hotī hai, bādameṁ pūrṇa hotī hai.
pahale samyagdarśan hotā hai. anādi kāl-se jīvane samyagdarśan prāpta nahīṁ kiyā hai. ye vāḍākā mānā huā samyagdarśan vah samyagdarśan nahīṁ hai. samyagdarśan aṁtarameṁ rahā hai. jīv, ajīv sab ūpar-se mān liyā, vah samyagdarśan nahīṁ hai. samyagdarśan aṁtarameṁ bhinna paḍakar ātmākī apūrva pratīti karake andar svānubhūti ho to vah samyagdarśan hai. aur vah samyagdarśan prāpta hotā hai aur aṁtarameṁ cāritra prāpta hotā hai. andarameṁ līnatā rūp cāritra ho to usameṁ usake kevalajñān aur usameṁ use munidaśā aṁtarameṁ-se ātī hai. aur phir bāharakā parivartan (hotā hai). aṁtar palaṭe to bāharakā parivartan hotā hai. bāharakā parivartan kaisā hotā hai, vah usako svayaṁko mālūm paḍatā hai. parantu pahale samyagdarśan ho aur aṁtar dr̥ṣṭi, adhyātmakī ātmākī bāt kisameṁ ātī hai, samajhanekī jarūrat hai. aur ātmākī bāteṁ jinhoṁne kī ho, jis mahāpuruṣane, vah samajhanekī jarūrat hai. saṁpradāyakī bātameṁ paḍaneke bajāy andar ātmākī bāt kaun karatā hai? aise śāstra