248 hote haiṁ, aise sadagurukī vāṇī hotī hai, koī alag hī svarūp batāte haiṁ. bāhar-se sab kar liyā, choḍ diyā, tyāg kar diyā, sab kiyā parantu andar samajh binā, yathārtha jñān binākī kriyāen̐ sab vyartha jātī hai.
śubhabhāv-se puṇya ban̐dhe aur puṇya-se svarga mile. vah samajhe binākī (kriyā hai). aṁtarameṁ yathārtha samajhapūrvak jo pariṇati pragaṭ ho vah alag hotī hai. isaliye samajh karanī. pahale ātmāko pahacānanekī jarūrat hai. yathārtha sat vastu ātmā kyā hai, use pīchānanekī jarūrat hai. bāhar saṁpradāyameṁ jīv ananta kāl janmā hai, bāharakā munipanā ananta bār liyā hai. sab kiyā hai, parantu mokṣa nahīṁ huā hai.
unakā upadeś jinhoṁne sunā hai, aise bahut mumukṣu haiṁ. unheṁ pūch lenā. barasoṁ tak unhoṁne vāṇī barasāyī hai. unhoṁne kyā svarūp kahā hai? unhoṁne kyā bāt kahī hai? unake muumukṣu har gām̐vameṁ hote haiṁ, unheṁ pūch lenā. sabako jāgr̥t kiyā hai. to bhī koī- koī becāre rah gaye. pīche-se jāge.
janma-maraṇ, janma-maraṇ calate rahate haiṁ. usameṁ manuṣya bhavameṁ apane ātmākā kuch ho to kāmakā hai. bākī to sab janma-maraṇ ananta-ananta kiye. usameṁ gurudev mile aur yah mārga batāyā. yah mārga to koī apūrva hai. aṁtar dr̥ṣṭi karake ātmāko andar- se grahaṇ kar lenā vahī mārga hai. saccā to vah hai. aṁtarameṁ śarīr bhinna, ātmā bhinna, sab bhinna hai. andar ātmā ananta jñān-se bharā, ananta ānanda-se bharā aisā ātmā hai. ananta guṇ-se bharā hai.
sab vikalpa hai, vikalpa-se bhī ātmā bhinna hai. ātmāko pahacānanekā prayatna karanekī jarūrat hai, is manuṣya jīvanameṁ. usake liye jinendra dev, guru, śāstra, un par bhakti evaṁ mahimā āye aur caitanyakī mahimā āye vah karanā hai. janma-maraṇ jīvane ananta kiye haiṁ. jīvane, ek samyagdarśan prāpta nahīṁ kiyā hai aur ek jinendra nahīṁ mile haiṁ. mile to svayaṁne pahicānā nahīṁ hai. lekin vah ek samyagdarśan apūrva hai. bākī sab padavī jagatameṁ prāpta ho cūkī hai, devalokakī aur saba. parantu ek ātmā prāpta nahīṁ kiyā hai aur gurudevane ātmākā svarūp batāyā aur karane jaisā vah hai.
is lokameṁ jitane paramāṇu jīvane grahaṇ karake choḍe, sab kṣetra par janma-maraṇ kiye, sab kālakā parivartan kiyā, vibhāvake sab bhāv kar cūkā, parantu ek ātmā prāpta nahīṁ kiyā hai. (ātmā) ek apūrva hai. manuṣya jīvanameṁ ho to vah nayā hai, bākī kuch nayā nahīṁ hai. bākī bāharameṁ jīvane kriyāen̐ bahut kī, śubhabhāv kiye, puṇya bān̐dhā, devalokameṁ gayā, parantu bhavakā abhāv nahīṁ kiyā. bhavakā abhāv ho, vah mārga gurudevane batāyā. ātmāko bhinna pahacān lenā. karanā vah hai.