samyagdarśanarūp hotā hai, phir cāritradaśā ātī hai. usameṁ viśeṣ nirjarā hotī hai. pahale amuk nirjarā hotī hai, viśeṣ nirjarā munidaśāmeṁ hotī hai. vah sab paryāy hai.
parantu dravya apekṣā-se śuddhātmā anādi (muktasvarūp hī hai). aisā dravya aur paryāy donoṁ vastukā svabhāv hī hai. jo pragaṭ paryāy hotī hai muktikī, use paryāy kahate haiṁ. aur anādiananta dravya to muktasvarūp hai. muktasvarūp dravya hai, parantu vedan nahīṁ hai. usakā svayaṁko svānubhūtikā vedan nahīṁ hai, paryāy pragaṭ nahīṁ huyī hai. dravya to śuddha hai, dravyameṁ kahīṁ aśuddhatākā praveś nahīṁ huā hai. dravya to śuddha hai. parantu paryāyakā vedan nahīṁ hai. svānubhūtikā vedan kahān̐ hai? paryāy pragaṭ hue binā vedan nahīṁ hotā. isaliye jab usakī svānubhūtikī daśā pragaṭ hotī hai, svānubhūtikā vedan hotā hai.
vah svānubhūti viśeṣ baḍhane par vītarāgatā hotī hai isaliye use pūrṇa vedan hotā hai. vah pragaṭ mukta daśā hai. ye śaktirūp mukta daśā hai. vah vyaktirūp muktadaśā hai. isaliye dravya aur paryāyakā mel hai. dravya aur paryāy vastukā svarūp hai. isaliye śuddha paryāy nahīṁ hai, tabatak vedan nahīṁ hai. śuddhaparyāy pragaṭ huyī, isaliye use svānubhūti, vītarāgadaśākā vedan hotā hai. isaliye vah pragaṭ mukta daśā hai, yah śaktirūp mukta daśā hai.
samādhānaḥ- .. us vakta yahān̐ sajāvaṭ ādi kī thī, svādhyāy mandirameṁ bahut sundar thā. gurudevakā jīvan-darśan, gurudevake caraṇ, sab bahut acchā lagatā thā. vahān̐ dekhane gayī to vah sab sajāvaṭ dekhakar aisā lagā ki gurudev yahān̐ virājate ho to ye sab śobhe. aise vicār āte the, bhāvanā hotī rahī. us din ghar ākar pūrī rāt aisā huā, gurudev padhāro, padhāro aisā bhāvanāmeṁ rahā. phir prātaḥkālameṁ aisā svapna āyā ki gurudev devalokameṁ-se devake rūpameṁ padhāre. sab devakā hī rūp thā. jharīke vastra, hār ratnake, ratnake vastra the.
gurudevane kahā ki aisā kuch nahīṁ rakhanā, bahin! maiṁ to yahīṁ hū̃n. maiṁ yahī hūn̐, aisā do-tīn bār kahā. āp yahān̐ ho aise āpakī ājñā-se mān leṁ, parantu ye sab duḥkhī ho rahe haiṁ. usakā kyā? gurudev to maun rahe. svapna to itanā hī thā. parantu us vakta sabako itanā ullās thā ki mānoṁ gurudev virājate hoṁ aur utsav hotā ho, aisā thā. gurudev devake rūpameṁ padhāre. aisā svapna thā. pahacāne jāte the, gurudev devake rūpameṁ bhī guurudev hī hai, aisā pahacānā jātā thā.
mumukṣuḥ- mukh gurudevakā?
samādhānaḥ- mukh devakā thā. parantu pahacān ho jāy ki gurudev dev hue haiṁ aur devake rūpameṁ padhāre haiṁ. aisā kuch nahīṁ rakhanā, bahin! maiṁ to yahīṁ hūn̐, yahīṁ hūn̐, yahīṁ hū̃n. aisā tīn bār kahā. devameṁ to aisī śakti hotī hai ki jahān̐ jānā ho vahān̐