280
jñāyakakā abhyās kare. .. paradravyakā kyā? sab nakkī karake phir jñāyakakā abhyās kare.
mumukṣuḥ- vastukā baṁdhāraṇ samajhanemeṁ kuch kṣati rah jāy to jñāyakako pakaḍanā muśkil paḍe yā jñāyakake jhukāvameṁ vah kṣati sudhar jātī hai?
samādhānaḥ- usakī jñānameṁ bhūl ho to ... parantu ruci yadi use barābar ho ki mujhe jñāyak hī grahaṇ karanā hai. vicār karake bhī usakī jñānameṁ bhūl ho to jñānakī bhūl nikal jātī hai, usakī ruci yathārtha ho to.
mujhe caitanya kyā padārtha hai, yah nakkī karanā hai. bāhar kahīṁ use ruci lage nahīṁ, svabhāvakī hī ruci lage. to vicār karake jñānameṁ bhūl ho to bhī nikal jātī hai, yadi use yathārtha lagan lagī ho to. jñānameṁ bhūl ho to nikal jātī hai.
.. bāhar-se milegā, bāhar-se khojatā hai. aṁtarameṁ sab hai. usakī use pratīti nahīṁ hai, ruci nahīṁ hai, isaliye bāhar-se khojatā hai.
mumukṣuḥ- ...
samādhānaḥ- (kyā) padārtha hai, kyā vastu hai? kisameṁ dharma hai? kisameṁ jñān hai? kisameṁ darśan hai? samyagdarśan kisameṁ hai? cāritra kisameṁ hai? sab nakkī kare. cāritra mātra bāhar-se nahīṁ ātā. cāritra caitanyake svabhāvameṁ hai.
mumukṣuḥ- caitanyameṁ yadi ruci ho to āge baḍhe.
samādhānaḥ- to āge baḍhe. jñān, darśan, cāritra sab ātmāmeṁ bharā hai. bāhar to mātra śubhabhāv hote haiṁ. vah to puṇyabandhakā kāraṇ hai. andar svabhāvameṁ-se sab pragaṭ hotā hai, jñān, darśan, cāritra ādi saba.
samādhānaḥ- .. ruci lagāne jaisī hai, puruṣārtha vah karane jaisā hai, sab karane jaisā hai. parantu svayaṁ bāharameṁ ruk jātā hai.
mumukṣuḥ- ātmā prāpta karane-se jo ānanda ho, usakā śabdameṁ varṇan ho sake aisā ānanda hai?
samādhānaḥ- śabdameṁ varṇan nahīṁ hotā. ātmākā svabhāvakā ānanda to anupam hai. use koī upamā lāgū nahīṁ paḍatī, jagatake koī padārthakī. kyoṁki ye bāharakā hai vah to rāgamiśrit jaḍ padārtha najar āte haiṁ. ātmākā jo svabhāv caitanyamūrti, usameṁ jo caitanyakā ānanda hai aur caitanyakā ānanda jo aṁtarameṁ ānanda sāgar svataḥ svabhāv hī usakā bharā hai. us par dr̥ṣṭi karake, usakā bhedajñān vibhāv-se bhinna hokar, vikalpa chūṭakar andar jo nirvikalpa tattva pragaṭ ho, usakī koī upamā bāharameṁ nahīṁ hai. vah anupam hai. usakī koī upamā nahīṁ hai.