Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

268

jagat-se jātyāṁtar alag hī ānanda hai. usakī jāt kisīke sāth milatī nahīṁ. koī devalokakā sukh yā cakravartīkā rāj yā kisīke sāth usakā mel nahīṁ hai. vah sab vibhāvik hai, sab rāgamiśrit hai. jisake sāth rāg rahā hai, usake sāth mel nahīṁ hai. andar ūccase ūcca śubhabhāv ho to bhī vah śubhabhāv hai. śubhabhāvake sāth bhī usakā mel nahīṁ hai. śubhabhāv-se bhī bhinna śuddhātmā hai.

manda kaṣāy ho. maiṁ jñān hūn̐, maiṁ darśan hūn̐, maiṁ cāritra hū̃n. pahale śurūātameṁ vah sab vikalpa āte haiaiṁ, ātma svabhāvako pahicānaneke liye, to bhī vah vikalpa miśrit jo rāg hai, usake sāth ātmāke ānandakā mel nahīṁ hai. ātmākā ānanda to usase alag hai.

mumukṣuḥ- apane-se tiryaṁcakā kuch jyādā puruṣārtha hogā tabhī use anubhūti hotī hogī.

samādhānaḥ- us apekṣā-se, anubhūti usane prāpta kī us apekṣā-se usakā puruṣārtha jyādā hai aisā kah sakate haiṁ.

mumukṣuḥ- use to kṣayopaśamakā utanā ughāḍ bhī nahīṁ hai.

samādhānaḥ- ughāḍake sāth use sambandha nahīṁ hai. prayojanabhūt tattvako jāne isaliye ātmākī svānubhūti pragaṭ hotī hai. jyādā śāstrakā jñān ho yā jyādā śāstra paḍhe ho, usake sāth (sambandha nahīṁ hai).

.. ātmākā svarūp maiṁ caitanya padārtha, apane dravya-guṇ-paryāy aur parapadārthake, utanā mūl prayojanabhūt jāne to usameṁ svānubhūti hotī hai. usakā bhedajñān kare ki yah śarīr so maiṁ nahīṁ hūn̐, ye vibhāv śubhāśubhabhāv bhī merā svarūp nahīṁ hai. maiṁ usase bhinna, ananta guṇ-se bharapūr, ananta śaktiyoṁ-se bharā ātmatattva hū̃n. aisā vikalpa nahīṁ, parantu aise apane astitvako grahaṇ karake usakā bhedajñān kare. us bhedakī sahaj daśā pragaṭ karake andar vikalpa chūṭakar sthir ho jāy, usakī śraddhā-pratīt karake, jñān karake usameṁ sthir ho jāy to use bhedajñān nirvikalpa svānubhūti hotī hai. usameṁ jyādā śāstra abhyāsakī jarūrat nahīṁ hai.

vah to nahīṁ ho tabatak use śubhabhāvameṁ rahaneke liye viśeṣ jñānakī nirmalatā ho, isaliye śāstrakā abhyās kare. parantu jyādā jāne to hī ho, aisā sambandha nahīṁ hai. use kṣayopaśamake sāth koī sambandha nahīṁ hai. use apanī aṁtar pariṇati palaṭaneke liye prayojanabhūt tattvako jāne, usakī śraddhā kare aur usameṁ sthir ho to use hotā hai.

śivabhūti muni kuch nahīṁ jānate the. gurune kahā ki mātuṣ aur māruṣa. rāg-dveṣ mat kara. vah śabda bhūl gaye. gurune kyā kahā thā vah śabda bhūl gaye. phir ek bāī

< Previous Page Next Page >