Benshreeni Amrut Vani Part 2 Transcripts-Hindi (iso15919 transliteration). Track: 283.

amr̥t vāṇī (bhāg-6)

284

mumukṣuḥ- paryāyakā kāraṇ paryāy hai, dravya-guṇ nahīṁ. is kathanakā āśay kyā samajhanā?

samādhānaḥ- paryāyakā kāraṇ paryāy hai aur dravya-guṇ nahīṁ hai. dravya jaise anādiananta svataḥsiddha hai, jaise dravya anādiananta svataḥ hai, jagatake andar jo vastu hai vah svataḥsiddha hai, aise dravya-guṇ svataḥsiddha hai. vaise paryāy hai vah bhī svataḥsiddha hai. vah kisīse banāyī gayī, kisīke dvārā utpanna nahīṁ kī gayī hai. jo dravyameṁ paryāy hai vah svataḥsiddha hai. dravyake kāraṇ paryāy hai, aisā nahīṁ. paryāy svataḥsiddha hai.

akāraṇ pāriṇāmik dravya hai. jaise dravya svataḥsiddha hai, vaise paryāy bhī svataḥsiddha hai. us paryāyako pariṇamanemeṁ āsapāsakī paryāyakā kāraṇ lāgū paḍe, isaliye vah pragaṭ hotī hai, aisā nahīṁ hai. vastusthiti-se vah paryāy svataḥsiddha hai. isaliye paryāyakā kāraṇ paryāy kahanemeṁ ātā hai.

paryāy hai vah svataḥsiddha hai. jaise dravya-guṇ svataḥsiddha hai, vaise paryāy svataḥsiddha hai. parantu usakā artha aisā nahīṁ hai ki koī dravya paryāy rahit hai aur paryāyako koī dravyakā āśray nahīṁ hai, aur paryāy nirādhār hotī hai, aisā usakā artha nahīṁ hai. parantu paryāy hai vah svataḥsiddha hai. vah svataḥsiddha pariṇamatī hai, vah akāraṇ hai. jaise dravya-guṇ akāraṇ hai, vaise paryāy bhī svataḥsiddha akāraṇ hai. aisā usakā artha hai. lekin paryāy nirādhār hai, dravya bilakūl kūṭastha hai, dravyameṁ koī pariṇām nahīṁ hai aur paryāy koī dravya rahit hai, aisā usakā artha nahīṁ hai.

usakā svataḥsiddhapanā aur vah svayaṁ svataṁtra hai, usake sarva kārak svataṁtra, vah svataṁtra pariṇamatā hai, aisā usakā samajhanekā artha hai. paryāy bhī ek vastu akāraṇ hai, aisā kahanā hai. parantu jo dravyadr̥ṣṭi kare, us dravyadr̥ṣṭike andar dravya jaise svataḥsiddha hai, vaise paryāy svataḥsiddha hai. to bhī dravyadr̥ṣṭimeṁ vah paryāy ātī nahīṁ hai. dravyadr̥ṣṭimeṁ paryāy nahīṁ ātī hai. arthāt paryāy dravyadr̥ṣṭike viṣayameṁ nahīṁ ātī. isaliye paryāy dravya- se ekadam bhinna ho gayī aur nirādhār hai, aisā usakā artha nahīṁ hai. to bhī paryāy pariṇamatī hai, jaisā dravya ho us jātakī paryāy pariṇamatī hai. jaḍ dravya ho aur cetanakī

< Previous Page Next Page >