Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

286 hī sādhanākā prāraṁbh hotā hai.

mumukṣuḥ- ... jñānīko icchā nahīṁ hone-se parigrah nahīṁ hai. isaliye āhārako grahate nahīṁ. aur sāthameṁ darpaṇameṁ uṭh rahe pratibiṁbakī bhān̐ti āhārako jānate haiṁ. yahān̐ darpaṇakā dr̥ṣṭānta dekar kahā, usameṁ kyā āśay samajhanā?

samādhānaḥ- dravyadr̥ṣṭikī apekṣā-se vah mātra jānatā hai. āhārako grahaṇ nahīṁ karatā hai, āhārako choḍatā nahīṁ. jñāyakameṁ koī āhār nahīṁ hai. jñāyak use grahaṇ nahīṁ karatā hai, mātra jānatā hai. jaise pratibiṁbameṁ kuch grahaṇ karanā yā choḍanā aisā pratibiṁbameṁ hotā nahīṁ, vaise jñāyakako kuch grahaṇ nahīṁ karatā aur kuch choḍatā nahīṁ hai. dravyadr̥ṣṭimeṁ vah jñāyak jñāyak hī rahatā hai.

jñātāmeṁ kuch ātā nahīṁ. aur jo āhār hai vah, usakī cāritrakī alpatā hai, isaliye puruṣārthakī kamajorī-se hotā hai, vah usake jñānameṁ hai. parantu jñāyakakī dr̥ṣṭimeṁ, dravyadr̥ṣṭimeṁ vah mātra use pratibiṁbakī bhān̐ti jānatā hī hai. pratibiṁb arthāt use grahatā nahīṁ aur choḍatā nahīṁ. aisā usakā āśay hai, usameṁ dūsarā koī āśay nahīṁ hai.

dravyadr̥ṣṭimeṁ to, dravyadr̥ṣṭikā svarūp yā dravyakā svarūp āp jitanā kaho utanā ūn̐ce- se ūn̐cā hotā hai. to bhī usameṁ-se paryāy nikal nahīṁ jātī. usameṁ puruṣārthakī mandatā, sādhanākī paryāy ādi sab sāthameṁ hotā hai. dravyadr̥ṣṭikā jitanā ūn̐cā kaho, utanā svarūp dravyadr̥ṣṭimeṁ ātā hai. aur vastukā svarūp aisā hai. to bhī usameṁ-se paryāy jātī nahīṁ. puruṣārthakī mandatā hotī hai. cāritrakī daśā adhūrī hai, vah jñānīke jñānameṁ hai. use pāmar jānatā hai. jñāyakakī apekṣā-se prabhu hone par bhī paryāyameṁ vah pāmar jānatā hai. isaliye vah pratibiṁb hone par bhī usameṁ kuch hai hī nahīṁ, aisā dravyakī apekṣā- se usakā artha hai. bākī usakī cāritrakī mandatā hai, vah use barābar jānatā hai. aisā usakā artha hai.

samādhānaḥ- ... jo nirṇay kiyā ki ye śarīr bhinna hai, vikalpa merā svabhāv nahīṁ hai, maiṁ jñāyak hū̃n. aisā nirṇay kiyā. saccī samajhamātra nahīṁ, parantu andar jñāyakakī pariṇati honī cāhiye, andar bhedajñān honā cāhiye. svayaṁ andar-se bhedajñānarūp pariṇame aur vah bhedajñānakī pariṇati jñātākī ugratā karake usameṁ līnatā kare to usameṁ vah prayatna ā jātā hai.

svayaṁ pratīti karake andar līnatākā prayatna karanekā rahatā hai. alag jātakā nahīṁ rahatā hai, līnatākā karanekā prayatna rahatā hai. samajhan yānī mātra samajhan kare utanā hī nahīṁ, usake sāth bhedajñān ho. bhedajñānakī ugratā ho, usameṁ līnatākī ugratā ho vah prayatna rahatā hai. bhinna prayatna nahīṁ, bhedajñānakī ugratākā prayatna, usameṁ līnatākā

< Previous Page Next Page >