Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

306 maiṁ hūn̐ aur yah vibhāv hai vah maiṁ nahīṁ hū̃n. usake bād puruṣārthakī gati-se bhedajñānakī dhārā pragaṭ kare to vah bhedajñānakī dhārā sahaj hote-hote use vikalpa chūṭe binā nahīṁ rahatā. parantu utanī svayaṁko andarase apanī pariṇati jāge to hotā hai. bhāvanā ho, parantu us jātakī puruṣārthakī gati svayaṁ pragaṭ kare to hotā hai.

mumukṣuḥ- .. to hī vikalpa ṭūṭe yā indriy jñān-se vikalpa ṭūṭatā hai?

samādhānaḥ- atīndriy jñān arthāt maiṁ jñāyak hū̃n. jñāyak hī svayaṁ atīndriy jñān hai. jñāyakako grahaṇ kare. bāhar-se isase jānā, yah jānā, vah jānā, jānā vah jñān aise nahīṁ. parantu maiṁ jñāyak svabhāv hūn̐, jñāyakarūp pariṇamit jñāyak, pariṇamit arthāt pragaṭ pariṇamit nahīṁ huā hai, jñānasvabhāvī hai, us svabhāvako grahaṇ kare to pragaṭ ho. yah jñān, yah jñān aise bhed nahīṁ, parantu jñānasvabhāv hī jo vastukā hai, use grahaṇ kare to hotā hai.

mumukṣuḥ- vacanāmr̥tameṁ jñāyak-jñāyak śabda jagah-jagah ātā hai. to jñāyakake āśray- se hī sab prāpta ho jānevālā hai yā dūsarā kuch karanekā hai?

samādhānaḥ- jñāyakake āśray-se hī sab pragaṭ honevālā hai. parantu jñāyakakā āśray leneke liye usakī pahicān karanī paḍe. jñāyak kaun hai? jñāyakakā svabhāv kyā hai? ye vibhāv kaun? usakā lakṣaṇ pahicānanā paḍe. aur jñāyakako grahaṇ karaneke liye gurudev kyā kahate haiṁ? gurudevane kyā mārga batāyā hai? vah pragaṭ na ho tabatak, dev- guru-śāstrakī mahimā āye, gurudevane kyā kahā hai us tattvakā vicār kare, vah sab āye, parantu grahaṇ ek jñāyakako karanā hai.

jñāyakako grahaṇ karane-se sab grahaṇ hotā hai. jñāyak arthāt svayaṁ. svayaṁkā astitva jñāyak grahaṇ kiyā to vibhāv-se bhinna paḍatā hai aur bhedajñān hotā hai. aur us bhedajñānakī ugratā, jñāyakakī ugratā hote-hote usīmeṁ līnatā baḍhātā huā, usakī pratīti, usakā jñān aur usameṁ līnatā, vah karate-karate usīmeṁ āge jātā hai. jñāyak grahaṇ karanekā ek hī mārga hai. usake liye tattva vicār, utanī gaharī ruci, gurudev kyā kahate haiṁ usakā āśay grahaṇ karanā, vah sab rahatā hai. dhyey ek jñāyakako grahaṇ karanekā honā cāhiye.

mumukṣuḥ- āpako jab anubhūti huyī tab āp paṇḍitajīko bāraṁbār likhate the ki ab itanā bākī hai, itanā bākī hai, itanā bākī hai, kisake ādhār-se? jñāyakake ādhār-se āp kahate the?

samādhānaḥ- andar-se mujhe aisā lagatā thā. andar aisā lagatā thā. yah jñān koī alag hai, andar koī alag ātmā hai. ātmā bhinna hai, aisā huā karatā

< Previous Page Next Page >