308 kisīkī dukān par māl rakhanā ho to vah dukān kaisī hai, aisā pahale tū nakkī kara. phir tū pūrī dukānakī khātāvahī dekhane jā to aiese koī dikhātā nahīṁ. vah aisā kahatā hai ki tū amuk lakṣaṇoṁ-se nakkī kara. gurudev kahate the ki yah yathārtha hai. aise gurudev ek satpuruṣ hai, aisā nakkī karaneke liye unakī vāṇī, unakī mudrā amuk prakār-se nakkī kara. phir unakī daśā kyā hai, vah grahaṇ karanekī terī pūrī śakti na ho to arpaṇatā karanā.
mumukṣuḥ- aṁtim praśna hai. sāmānya par dr̥ṣṭi aur bhedajñānameṁ kyā aṁtar hai, yah kr̥pā karake samajhāīye.
samādhānaḥ- jisakī sāmānya par dr̥ṣṭi gayī ki maiṁ sāmānya ek vastu hū̃n. usameṁ bhed par dr̥ṣṭi nahīṁ hai. dr̥ṣṭi to akhaṇḍa ek dravya par hai. apanā astitva jñāyak par dr̥ṣṭi hai, parantu dr̥ṣṭike sāth bhedajñān donoṁ sāthameṁ rahate haiṁ. dr̥ṣṭi aur jñān donoṁ sāth hote haiaiṁ.
ek sāmānya par dr̥ṣṭi aur vibhāv-se bhinna paḍe. apane par jahān̐ dr̥ṣṭi gayī to vibhāv-se bhinna paḍatā hai. donoṁ sāth hī rahate haiṁ. svayaṁ sāmānyako grahaṇ kare, astitvako grahaṇ kare usameṁ anya-se nāsti usameṁ sāth ā jātī hai. svayaṁko grahaṇ kiyā isaliye maiṁ vibhāv-se bhinna hūn̐, aisā sāthameṁ ā jātā hai. dr̥ṣṭi kahīṁ bhed nahīṁ karatī, parantu jñān sab jānatā hai. jñānameṁ sab ā jātā hai ki maiṁ ye vibhāv-se bhinna aur ye merā caitanyakā astitva bhinna hai. aise dr̥ṣṭi aur jñān sāthameṁ hī rahate haiṁ. dr̥ṣṭi ek sāmānyako grahaṇ karatī hai, jñān donoṁko grahaṇ kar letā hai. donoṁ sāth-sāth hī hote haiṁ. jisakī dr̥ṣṭi samyak ho, usakā jñān samyak hotā hai. donoṁ sāth rahate haiṁ.
mumukṣuḥ- pahale dr̥ṣṭi samyak ho, bādameṁ jñān? samādhānaḥ- dr̥ṣṭi aur jñān donoṁ sāthameṁ hī samyak hote haiṁ. usameṁ kram nahīṁ paḍatā. parantu dr̥ṣṭi mukhya hai isaliye dr̥ṣṭiko mukhya kahanemeṁ ātā hai. bākī dr̥ṣṭi aur jñān donoṁ sāthameṁ hote haiṁ. usameṁ kram nahīṁ hotā, donoṁ sāthameṁ hote haiṁ.