310 diśā badalī, apanā svapadārthakā āśray grahaṇ kiyā, vahān̐ diśā badal gayī to use sabase diśā badal jātī hai. ek taraph-par taraph usakī diśā khaḍī hai to usameṁ sab par ā jāte haiṁ.
mumukṣuḥ- vibhāv par jabatak dr̥ṣṭi hai, tabatak par ūpar use dr̥ṣṭi hai.
samādhānaḥ- hān̐, par ūpar dr̥ṣṭi hai.
mumukṣuḥ- vah jñān sthūl hai, isaliye use khyālameṁ nahīṁ ātā hai.
samādhānaḥ- khyāl nahīṁ ātā hai. vairāgya kare ki parapadārtha mere nahīṁ hai. ye sab ghar, makān, kuṭumba ādi merā nahīṁ hai. aisā vairāgya to jīv anek bār karatā hai. ye śarīrādi parapadārtha śarīr bhī merā nahīṁ hai. vah bhī par hai. aisā vicār kare, vicār- se bhinna paḍe, parantu usakī pariṇati hai vah ekatva kar rahī hai. tabatak ekatva hai hī. vibhāv-vikalpake sāth ekatvabuddhi hai to sabake sāth hai hī.
use śarīrameṁ kuch ho to use ekatvabuddhi vikalpake sāth hai. vicār kare ki maiṁ śarīr-se bhinna hūn̐, parantu jo sahaj bhedajñān rahanā cāhiye vah use nahīṁ rahatā hai. isaliye vah vicār-se bhinna paḍatā hai, isaliye sahaj pariṇati nahīṁ hai. isaliye use vāstavik bhedajñānakī pariṇati nahīṁ hai.
muumukṣuḥ- dūsarī tarah-se kaheṁ to ṭhagātā hai. samādhānaḥ- dūsarī bhāṣāmeṁ kaheṁ to. parantu bhāvanāmeṁ vah nahīṁ kar sakatā hai isaliye sthūlarūp-se maiṁ śarīr-se bhinna hūn̐, aise usakī bhāvanā karatā rahe. vikalpa-se bhinna hūn̐, aisī bhāvanā karatā hai. parantu pariṇati bhinna nahīṁ huyī hai.
muumukṣuḥ- is or-se vicār kare to bār-bār sunate haiṁ ki ananta śaktikā piṇḍa hai. aur ek guṇ bhī jise kahe ki ek jñānaguṇ hai, to jñānatva kyā hai, vah bhī khyālameṁ nahīṁ ātā hai. to aisī paristhitimeṁ use kām kaise karanā?
samādhānaḥ- jñānaguṇ lakṣyameṁ nahīṁ ātā hai. vah use yathārtharūp-se dekhatā nahīṁ hai, isaliye nahīṁ ātā hai. usakī śakti ananta hai. apaneko grahaṇ kar sake aisā hai. parantu use nahīṁ grahaṇ karanekā kāraṇ, usakī dr̥ṣṭi aur upayog par taraph hai. isaliye vah grahaṇ nahīṁ kar pātā hai. nahīṁ to grahaṇ karanekī ananta śakti usameṁ hai. svayaṁ apaneko grahaṇ kare aur svayaṁ apanemeṁ pariṇame to vah apane rūp ho jāy, aisī usameṁ ananta śakti hai.
pahale āṁśik rūpase hotā hai, phir pūrṇa hotā hai. aisī śakti, utanā bal usameṁ haiai. svayaṁ apanī taraph palaṭ sake aisā hai. ananta bal, ananta śakti ātmāmeṁ hai, ātmāmeṁ ananta guṇ hai. ek caitanyako grahaṇ kiyā usameṁ use svabhāvarūp-se sab pariṇaman