Benshreeni Amrut Vani Part 2 Transcripts-Hindi (iso15919 transliteration).

ṭrek-

287

311

hone lagatā hai. sabhī guṇ apanī or pariṇamate haiṁ.

mumukṣuḥ- vacanāmr̥tameṁ ek vacan ātā hai ki parapadārthako jānate hue mānoṁ usako jānatā hūn̐, aisā vedan kar letā hai. ab, yahān̐ vicār aisā hai ki jñān meremeṁ-se hotā hai, vah bāt use utpanna karanī hai, apane vedanemeṁ us bātako āge lānī hai. to use kaisā prayatna vahān̐ karanā cāhiye?

samādhānaḥ- parapadārthako jāne, parantu vah jānanevālā hai kaun? padārthako jānā vah jānanevālā kaun hai? usakā mūl kahān̐ hai? us mūlako grahaṇ karane taraph usakī śakti grahaṇ karane taraph, usakī khoj (cale ki) usakā mūl kahān̐ hai? parapadārthako jānā vah to jñey hai. to us jñeyako jānanevālā kaun hai? ātā hai na? jo prakāś hai, prakāśake kiraṇa. parantu vah kiraṇ kisake hai? kahān̐-se āye haiaiṁ?

jo jñān hai vah jānatā hai. sab jñāt hotā hai vah khaṇḍa-khaṇḍa jānatā hai. parantu vah jānanevālā kaun hai? usakā mūl kahān̐ hai? mūl taraph dr̥ṣṭi usakī dr̥ṣṭi jānī cāhiye. usakā mūl kahān̐ hai? usakā tal kahān̐ hai ki jisameṁ-se ye jñānakī paryāy pariṇamatī hai? usake mūl taraph usakī dr̥ṣṭi jānī cāhiye. jñānako maiṁne jānā, aise jān liyā parantu jānanevālā hai kaun? ye jñān ātā hai kahān̐-se? jñey aisā nahīṁ kahatā hai ki tū mujhe jān, aisā vah nahīṁ kahatā hai. svayaṁ jānatā hai. to vah jānanevālā hai kaun? usakā mūl kahān̐ hai?

mumukṣuḥ- tarka-se to khyālameṁ ātā hai ki par padārtha hai vah bāhar hai, vedan hai vah yahān̐ ho rahā hai, jānanā yahān̐ ho rahā hai. aisā to khyālameṁ ātā hai. vah jo jānanā yahān̐ ho rahā hai, to yahān̐ ho rahā hai vah mujhe merā jānanā ho rahā hai, parapadārtha dvārā nahīṁ hotā hai, apitu mere dvārā vah jānanā hotā hai, aisā usake bhāvameṁ pakaḍānā cāhiye, usake liye usakā kaisā prayatna honā cāhiye?

samādhānaḥ- bāraṁbār gaharāīmeṁ ūtarakar apane svabhāvako grahaṇ karanā cāhiye ki ye svabhāv merā hai aur ye svabhāv merā nahīṁ hai. is tarah gaharāīmeṁ ūtarakar bāraṁbār kṣaṇ-kṣaṇameṁ usakī laganī evaṁ mahimā lagākar bāraṁbār usako grahaṇ karanā cāhiye. sab sarvasva meremeṁ hī hai, bāhar kahīṁ nahīṁ hai. utanī andar pratīti lākar, utanī mahimā lākar usakī jarūrat lage to vah andar gaharāīmeṁ jāya. jarūrat isīkī hai, bākī kuch jarūrat nahīṁ hai. isaliye maiṁ merā svabhāv hai usīko grahaṇ karũn. utanā gaharāīmeṁ jākar svabhāv kahān̐ hai aur kisake āśray-se rahā hai, use grahaṇ karanekā prayatna kare.

mumukṣuḥ- usakī saccī jarūrat lage.

< Previous Page Next Page >