312
samādhānaḥ- jarūrat andar-se laganī cāhiye. jarūrat isīkī hai, dūsarī kuch jarūrat nahīṁ hai. ye sab bāharakī jarūrat vah vāstavik jarūrat nahīṁ hai. vah sab sārarūp nahīṁ hai. jarūrat svarūp vastu jo ādarane yogya hai aur jo grahaṇ karane yogya hai, vah yahī hai. jo kalyāṇasvarūp aur ātmāko ānandasvarūp evaṁ sukhasvarūp hai vah yahī hai. use jñānameṁ jñāyakameṁ sab bharā hai, utanā viśvās aur utanī mahimā ānī cāhiye. dikhatā hai jñān, vah jñān rukhā nahīṁ hai, jñān pūrā bharacak bharā huā, mahimā-se bharapūr hai. utanī use andar-se mahimā ānī cāhiye.
mumukṣuḥ- apanī jarūrat lage aur parakī bhī jarūrat lage to vah vāstavameṁ jarūrat nahīṁ lagī hai.
samādhānaḥ- apanī jarūrat laganī cāhiye. mujhe isīkī jarūrat hai. mere ātma svabhāvakī hī jarūrat hai.
mumukṣuḥ- pahale-se calī ā rahī anya padārthakī jarūrat bhāsī hai, usake sāmane apanā jo jñānatattva hai, usakī ekamātra jarūrat use hai aur dūsarī koī jarūrat nahīṁ hai, aisā tulanātmakabuddhimeṁ use..
samādhānaḥ- aisā nirṇay honā cāhiye. koī jarūrat nahīṁ hai. ye sab bāharake jñey padārtha haiṁ, vah koī mahimārūp nahīṁ hai, vah jarūratavāle nahīṁ hai. jarūrat ek ātmākī, ātma svabhāvakī hī hai. aur vah svabhāv mahimāvaṁt hai. utanā use aṁtarameṁ laganā cāhiye. utanī use anupamatā laganī cāhiye. ye sab jñeyoṁkā ṭhāṭh dikhe, vah jñey use mahimārūp nahīṁ lagate. use mahimā ek ātmākī hī lagatī hai. ek ātmāmeṁ hī sab sarvasva hai, kahīṁ or sarvasva nahīṁ hai.
mumukṣuḥ- aisā viśvās bhī ātā hai ki merī vastuke ādhār-se mujhe saṁtoṣ, śānti, viśrām vedanameṁ āyegā vah mujhe nitya anubhavameṁ āyegā. aur vahān̐-se mujhe kabhī vāpas nahīṁ muḍanā paḍegā. aisī use..
samādhānaḥ- pratīt honī cāhiye. vahī satyārtha kalyāṇarūhap hai, vahī anubhav karane yogya hai, vahī tr̥pti, usīmeṁ use tr̥pti hogī, usīmeṁ use ānanda hogā. usameṁ prītivaṁt ban, usameṁ saṁtuṣṭa ho, usameṁ tr̥pta ho.
isameṁ sadā rativaṁt ban, isameṁ sadā saṁtuṣṭa re. isase hī ban tū tr̥pta, uttam saukhya ho jisase tujhe..206.. usameṁ tujhe tr̥pti hogī, usameṁ-se tujhe bāhar jānekā man nahīṁ hogā. aisā tr̥ptasvarūp, saṁtoṣasvarūp ātmā hai, use grahaṇ kara.
mumukṣuḥ- andar sab bharā hai aur khojatā hai bāhara.