Benshreeni Amrut Vani Part 2 Transcripts-Hindi (iso15919 transliteration).

ṭrek-

287

313

samādhānaḥ- bāhar khojatā hai, sab bāhar khojatā hai. tujhe kahīṁ bāhar ānandakā yā jñānakā vyartha prayatna nahīṁ karanā paḍegā, tujhe andarameṁ-se hī sab pragaṭ hogā. tujhe ānanda aur jñān apaneāp pariṇamane lageṁge. jisameṁ thakān nahīṁ hai yā jisameṁ koī kaṣṭa nahīṁ hai, aisā jo ātmā sahaj pariṇāmī hai, vah sahaj pragaṭapane pariṇamegā. parantu us śurūātakī bhūmikāmeṁ palaṭanā kaṭhin lagatā hai. apanī bhāvanā hai...

mumukṣuḥ- vacanāmr̥tameṁ ek jagah ātā hai ki parasanmukh jāne-se jñān dab jātā hai aur aṁtarmukh hone-se jñān khīl uṭhatā hai, vahān̐ kyā kahanā hai?

samādhānaḥ- jñān parasanmukh jātā hai to ek jñeyameṁ aṭak jātā hai. ek jñeyakī utanī maryādā ā jātī hai. jo upayog jahān̐ aṭakā, utanā hī use jñāt hotā hai. aur apane sanmukh, svasanmukh hotā hai, vahān̐ jñānakī nirmalatā viśeṣ hotī hai. vah ek jagah aṭakatā nahīṁ. jñān sahaj pariṇamatā hai. vah jñān khīlatā hai. aṁtarameṁ jātā hai vahān̐ svabhāvarūp pariṇamatā hai. jaise-jaise vītarāg daśā baḍhatī jāy, vaise jñān nirmal hotā jātā hai. jñānakā vikās hotā hai. vah ek jagah aṭak jātā hai. jñānakī ananta śakti hai vah ek jñeyameṁ aṭak jātī hai.

mumukṣuḥ- aṭak jātā hai kaho ki ban̐dh jātī hai aisā kaho. usameṁ mukta ho jātā hai.

samādhānaḥ- jñey-se bhinna paḍatā hai, vahān̐ svayaṁ pariṇamatā hai. jñān jñānarūp pariṇamatā hai. jñān svayaṁko jānanekī kriyārūp pariṇamatā hai. jaisā hai vaisā pariṇamatā hai. gurudevane pūrā muktikā mārga, svānubhūtikā mārga ekadam spaṣṭa kiyā hai. karanekā svayaṁko bākī rahatā hai. andar-se jise lagī ho, to puruṣārthakī diśā badalatī hai. gurudevane to ekadam spaṣṭa kar diyā hai.

jahān̐ apanī taraph gayā to usakī nirmalatā svayaṁ pariṇamatī hai. isameṁ jñeyameṁ aṭak jātā hai. jñānakī mahimā āyī. jñān apane kṣetrameṁ rahakar, us kṣetrameṁ jātā bhī nahīṁ, par taraph upayog rakhane nahīṁ jātā hai. svayaṁ apane kṣetrameṁ rahakar sab jñeyoṁko jāne. jñey use jñāt ho jāte haiṁ, apane kṣetrameṁ rahakara. vah jñānakī koī aciṁtya śakti hai. svayaṁ apane kṣetrameṁ rahakar, pūre lokake jo jñey haiṁ, usake dravya-kṣetra-kāl-bhāv ananta ananta jñey, apane kṣetrameṁ rahakar, apanemeṁ rahakar lokālokako jān sakatā hai. usake pahale, lokālokako jāne usake pahale use svānubhūtimeṁ jñānakī nirmalatā hotī hai. vah bāharakā jāne yā na jāne, parantu use jñānakī nirmalatā hotī hai.

mumukṣuḥ- samyakajñānakī nirmalatā sva anubhav hone-se ho jātī hai.

samādhānaḥ- jñānakī nirmalatā hotī hai.

< Previous Page Next Page >