314
mumukṣuḥ- ... merā jīvan thā, aisā use bhāsit hotā thā, usake badale ab merā jīvan mere ādhār-se hī hai.
samādhānaḥ- merī hī ādhār-se hai, kisīke ādhār-se nahīṁ hai. par-se maiṁ ṭikatā hūn̐ aur par-se merā jīvan hai, usake badale svayaṁ merā astitva hai, maiṁ svayaṁ jñāyak hū̃n. maiṁ svayaṁ ek padārtha hū̃n. koī padārthase maiṁ ṭikū yā koī bāharake sādhanoṁ-se, yā śarīrādi padārthase ṭikū aisā tattva nahīṁ hai. tattva svayaṁ svataḥsiddha hai. tattva svayaṁ apane- se ṭik rahā hai. use koī padārthake āśrayakī āvaśyakatā nahīṁ hai. svayaṁ svataḥsiddha hai. parantu vah ekatvabuddhi karake aṭak rahā hai.
ātā hai na? svataḥsiddha tattva, tattva use kahe ki jise parake āśrayakī jarūrat na ho. usakā nām tattva, usakā nām svabhāv kahanemeṁ ātā hai. jis svabhāvako parake āśrayase vah svabhāv pariṇame athavā parake āśrayake jarūrat paḍe, use svabhāv nahīṁ kahate. jo svataḥsiddha svabhāv ho, vah svayaṁ pariṇamatā hai. aur us svabhāvameṁ maryādā bhī nahīṁ hotī ki ye svabhāv itanā hī ho yā itanā hī jāne. aisā nahīṁ hotā. vah svabhāv amaryādit hotā hai.
vaise jñān, vaise ānanda, vaise ananta guṇ (haiṁ). jo svabhāv ho us svabhāvako maryāedā nahīṁ hotī. jo svataḥsiddha svabhāv hai, vah ananta hī hotā hai. use maryādā nahīṁ hotī yā use itanā hī ho, yā utanā hī ho, aisā nahīṁ hotā. vah kisīke āśray-se pariṇame yā koī āśray na ho to usakī pariṇati kam ho jāy, aisā nahīṁ hai.
jo svataḥ pariṇāmī hai, svayaṁ hī svataḥsiddha pariṇāmī hai. svabhāvako koī maryāedā nahīṁ hotī. parantu usane sab mān liyā hai ajñānatā-se. usakā nāma3 svabhāv, usakā nām tattva kahe ki jo svataḥsiddha ho aur jo ananta ho. aise apane svataḥsiddha svabhāvakī use mahimā āye to vah apanī or jātā hai.
bāhar-se use thakān lage, vibhāv pariṇati-se use thakān lage, use vikalpakī jāl-se thakān lage to vah apanā caitanyakā āśray grahaṇ karatā hai. vah thakatā nahīṁ hai to use apanā āśray lenā kaṭhin lagatā hai. use thakān lage ki ye pariṇati to kr̥trim hai, sahaj nahīṁ hai. jo-jo kaṣṭarūp hai, duḥkharūp hai. to apanā jo svabhāv hai, usakā āśray grahaṇ karanekī use andar-se jijñāsā, bhāvanā hue binā nahīṁ rahatī.