Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

318 karanā. ācāryadev kahate haiṁ na, prakāśakā pun̐j bādalameṁ hai. lekin vah kiraṇ kahān̐- se āyā hai, usake mūlako grahaṇ karanā. vaise yah jñānasvabhāv bhedavālā dikhe, parantu usakā mūl kahān̐ hai? usakī ḍor kahān̐ hai? usakā mūl kahān̐ hai? us mūlako grahaṇ kare. arthāt paryāyako grahaṇ nahīṁ karake mūl tattva kyā hai, us tattvako grahaṇ karake, mūl grahaṇ karake mūlakā āśray kare. aur bāraṁbār usakā bhedajñānakā prayās kare ki ye vikalpādi maiṁ nahīṁ hūn̐, usase maiṁ bhinna hūn̐ aur maiṁ jñāyak hū̃n. maiṁ jñāyak hūn̐, jñāyak hūn̐, aisā vikalparūp nahīṁ parantu aisī sahaj pariṇati. use sahaj pariṇati rūp jīvan aisā ho jāy, jñāyakarūp jīvan ho jātā hai. to use vikalpa chūṭe binā rahate hī nahīṁ.

jñāyakarūp jīvana. ye śarīrarūp jīvan nahīṁ, vikalparūp, vikalpakī jālarūp ekatvabuddhirūp jīvan nahīṁ, parantu bāraṁbār jñāyakarūp usakā jīvan ho to jñāyak jñāyakarūp pariṇaman kiye binā nahīṁ rahatā. aisī sahaj vastukā svabhāv hī aisā hai.

mumukṣuḥ- āpane kahā usameṁ to bahut-bahut ā jātā hai, aise to sab ā jātā hai, parantu abhī bhī sunate hī rahe aisā lagatā hai. aṁtarameṁ ātmāko kaise pratyakṣa karanā vah jarā viśeṣ samajhāīye.

samādhānaḥ- usake jñānalakṣaṇ-se pratyakṣa ho aisā hai. use jo jñānalakṣaṇ jñāt ho rahā hai, vah koī tattva hai. jñān hai vah nirādhār nahīṁ hai. koī tattva hai. vah tattva hī jñānasvarūp hai. jaise yah jaḍ tattva dikhatā hai, vaise ek jñānatattva hai. jo sahaj hai.

jo ānanda sāgarase bharā huā, jñānasāgarase bharā huā ek caitanyatattva hai. use svayaṁ pratīt-se nakkī kare ki ye jñān svabhāv hai vahī maiṁ hū̃n. phir usakī pragaṭ prasiddhike liye ācāryadev kahate haiṁ ki terā upayog jo bāhar jā rahā hai, mati-śrutajñān, vikalpa jo terā upayog bāhar jātā hai, us upayogameṁ samā de to usakī pragaṭ prasiddha hotī hai.

pahale use pratīt-se usakā lakṣaṇ pahicānakar nakkī kar ki ye jo jñānasvabhāv hai vah jñānatattva hai. jñāyakatattva caitanyatattva hai, jo ānandasāgar aur jñānasāgar-se bharā huā ek tattva hai. us tattvakī tū pratīt karake phir mati-śrutakā upayog jo bāhar jātā hai, us upayogako tū aṁtarameṁ samā de. upayog andar caitanyameṁ līn kar de to usakī pragaṭ prasiddhi svānubhūtirūp hotī hai. vah jagatase bhinna viśva par tairatā huā bhinna ātmā use pragaṭ hotā hai. parantu usakī pratīti kare to usakī pragaṭ prasiddhi hotī hai.

< Previous Page Next Page >