306 svarūp hai-bhagavān jaisā, vah kaise prāpta ho?
aur guru sādhanā kar rahe haĩn. svarūpamen kṣhaṇ-kṣhaṇamen līn ho rahe haĩn. aise guru kisako kahate hain? ātmākī sādhanā kare aur svarūpamen līn hote ho, vah guru hai.
aur shāstra, jisamen ātmākī bāt ātī ho, vah shāstra hai. vah sab yathārtha samajhakar, ātmākī pahachān kaise ho? dhyey ātmākā honā chāhiye. ananta kāl-se bhagavān bahut bār mile, guru mile, shāstra mile, lekin svayaṅko pahachānā nahī̃n. bāharamen ruk gayā. svayaṅkī pahachān kaise ho? aur jabatak pahachān na ho, andar līnatā na ho tab shubhabhāvommen dev-guru-shāstra shubh bhāvanāmen hote haĩn. dhyey ek ātmākā rakhanā. karanā vah hai.
bāhar kahīn sarvasva nahīn hai. ātmāmen sarvasva sukh aur sarvasva ānanda ātmāmen hai. use pragaṭ karanā vah karanā hai. ananta shaktiyān̐ ātmāmen haĩn. vah koī bāhar jyādā kriyā kare, yā jyādā tyāg kare, to antaramen pragaṭ ho, aisā nahīn hai. parantu antaramen svayaṅko pahachāne aur antar-se virakti ho, antar-se vibhāvakā tyāg ho to sachchā tyāg hai. bāharakā ho vah to shubhabhāvanā hai mātra. antar-se vāstavamen chhūṭ jāy, antaramen- se rāgase bhinna hokar svayaṅko pahachāne vah vāstavamen antaramen tyāg hai. vah antaramen karanā hai.
sachchā tyāg antaramen hai, sachchā samvar antaramen hotā hai, sachchī nirjarā antaramen hotī hai, sab antaramen hotā hai. bākī bāharakā jo mānate hain ki apane tap karen to nirjarā hogī, vah sab bāharakā hai. aisā tap bahut bār kiyā, aisī nirjarā kī, lekin vāstavamen nirjarā nahīn hotī hai. naye-naye karma bāndhate haĩn. sachchā to antar-se chhūṭe to vāstavamen bandha-se chhūṭe aur vāstavamen antar-se bhinna hokar sachchā mokṣha antaramen hotā hai. karanā vah hai.
jaisā siddha bhagavānakā svarūp hai, aisā apanā svarūp hai. aur vah gr̥uhasthāshramamen usakī svānubhūti kar sakatā hai. gr̥uhasthāshramamen ānshik aur munidashāmen bārambār svānubhūti kar sakatā hai. jo usakā svabhāv hai usamen-se pragaṭ hotā hai. chhoṭīpīpar ho use ghisate-ghisate charaparāī (pragaṭ hotī hai, vah) usamen bharā hai vah pragaṭ hotā hai. vaise ātmāmen gnān hai, bārambār us par dr̥uṣhṭi kare, usamen ramaṇatā kare to pragaṭ hotā hai. bāhar-se nahīn ātā. bāharamen to mātra shubhabhāvanārūp kar sakatā hai.
... svabhāv-se bharā huā, vaise ātmā ānanda-se aur gnān-se bharā hai. aise ananta guṇ-se bharā hai. parantu antaramen dr̥uṣhṭi pragaṭ ho, to kām āye aisā hai. bhedagnān karake ātmāko pahachānanā. ātmāke utpād-vyay-dhruv aur pudagalake utpād-vyay-dhruv kyā? apane dravya-guṇ-paryāy, dūsaroṅke dravya-guṇ-paryāy, donoṅko bhinna kare, vah karanā hai.