235
mumukṣhuḥ- jitanā ādar dev-guru-shāstrake prati ātā hai, is bhūmimen, dūsarī jagah ātā nahī̃n.
samādhānaḥ- gurudev yahān̐ kitane sāl rahe haĩn. 45 sāl gurudev yahīn rahe haĩn. aur ye sab kudaratī unake pratāp-se aisā ho gayā hai ki...
mumukṣhuḥ- ...
samādhānaḥ- vāstavik upāy vahī hai-svānubhūti. gurudevane vahī (upadesh diyā hai ki) svānubhūti pragaṭ karo. bāharamen jīv ananta kālamen har jagah jahān̐-tahān̐ ruk jātā hai. parantu antaramen karanekā ek hī hai-svānubhūti kaise ho? bhedagnān kaise ho? ātmā kaise grahaṇ ho? vah hai. bāhar ruk jātā hai.
ananta kālamen (kriyāen̐) kī, bāhya tyāg kiyā, munipanā liyā, parantu antar ek ātmāko pahachānā nahī̃n. sab bāharakā jānā, lekin ātmāko jāne binā. ek ātmāko jāne usane sab jānā hai. aisā gurudev kahate the, ek ātmāmen dr̥uṣhṭi de to usamen sab ā jātā hai. ananta kāl aise hī vyatīt kiyā. bāhar thoḍī kriyā kar lī to dharma mān liyā, athavā kuchh tyāg kar diyā to mainne bahut kiyā, parantu antaramen tyāg kyā hai aur kaise hai, usakā vichār nahīn kiyā hai.
svānubhūtikā mārga gurudevane (batāyā). svānubhūti antaramen hotī hai. nahīn to samayasār paḍhakar, isamen to ātmāke ānandakī bāt hai, ānandakī bāt hai, aisā karake chhoḍ dete the. digambarommen sab chhoḍ dete the. gurudevane usamen-se rahasya khole ki isamen to koī apūrva bāt bharī hai. samayasāramẽn.
(gurudevane sampradāyameen) dīkṣhā lekar chhoḍ diyā ki mārga to koī alag hai. antaramen hai. sabako prakāsh kiyā. yahān̐ to ṭhīk, pūre hindustānamen sabako jāgr̥ut kar diyā ki antaramen hai saba. sthānakavāsīmen yā digambaramen, sab bāhya kriyāmen dharma mānate the. vah kahe, sāmāyik, pratikramaṇ kar le to dharma (ho gayā), thoḍī bhakti-pūjā kar le to dharma (ho gayā), yahān̐ digambaramen thoḍī shuddha-ashuddhi kar le to dharma (ho gayā), aise dharma (mānate the). bāhar-se thoḍā kar le, phir pūrā din kuchh bhī karate ho, thoḍā kar le to dharma (ho gayā). usamen shubhabhāv rakhe to puṇyabandha ho. bāhya prasiddhike hetu- se kare to puṇya bhī nahīn bandhatā. shubhabhāvanā rakhe to puṇyabandha hotā hai.
gurudev kahate hain, puṇyabhāv bhī terā svabhāv nahīn hai. usase devalok hotā hai, bhavakā abhāv nahīn hotā hai. tū usase bhinna hai. shubhabhāv bhī terā svarūp nahīn hai. usase tū bhinna hai. shubhabhāv sab bīchamen āte haĩn. dev-guru-shāstra, dān, dayā, tap sab āye, lekin vah terā svabhāv (nahīn hai). shubhabhāvanā terā svarūp nahīn hai.