320 apanā gnāyakakā astitva chhoḍā nahīn hai aur gnāyak gnāyakarūp pariṇamatā hai. lekin use usakā gnān aur shraddhān nahīn hai. usakī dr̥uṣhṭi bāhar hai.
vah aisā hai ki, jaise jaḍ apane svarūpako chhoḍatā nahīn hai, vaise chaitanya apane svarūpako chhoḍatā nahīn hai. svayam anubhūtisvarūp hī hai. gnān asādhāraṇ lakṣhaṇ hai ki gnān gnānasvarūp svayam pariṇamatā hai. lekin use usakī anubhūti nahīn hai. anubhūti arthāt use ānandakī anubhūti nahīn hai. parantu svayam apane anubhūtisvarūp arthāt chaitanya chaitanyarūp pariṇamatā hai. arthāt gnān gnānarūp-se anubhavamen ā rahā hai. lekin usako svayaṅko vah mālūm nahīn hai ki main chaitanya svayam astitva svarūp hū̃n. usakā astitva usane grahaṇ nahīn kiyā hai, lekin astitvakā nāsh nahīn huā hai. vah anubhūtisvarūp hī hai. ātmā svayam anubhūtisvarūp hai. lekin us anubhūtikā svayanne anubhav nahīn kiyā hai. aisā usakā artha hai.
mumukṣhuḥ- dr̥uṣhṭikī bhūl hai, yah batānā hai.
samādhānaḥ- dr̥uṣhṭikī bhūl hai, yah batānā hai. usakī dr̥uṣhṭikī bhūl hai. usakī dr̥uṣhṭi bāhar hai. jaise dūsaroṅkī ginatī karatā hai ki yah ādamī hai, yah ādamī hai, lekin svayaṅko ginanā bhūl jātā hai. aise svayam sab bāhar dekh rahā hai. bāharakā hai, lekin main svayam chaitanya hūn̐, usake astitvakā nāsh nahīn huā hai, lekin vah svayaṅko bhūl gayā hai. apanā astitva anubhavamen ā rahā hai. parantu us astitvakī ānandakī anubhūti nahīn hai.
anubhūtisvarūp svayam hone par bhī use ānandakī anubhūti nahīn hai. gnān asādhāraṇ lakṣhaṇ hai ki jis lakṣhaṇ-se svayam apaneko pahachān sake aisā hai. vah gnān-gnāyakatākā nāsh nahīn huā hai, gnān gnānarūp pariṇamatā hai. lekin svayam us gnāyakatārūp nahīn huā hai. isaliye usakī or dr̥uṣhṭi kare, usakā gnān kare, usakā ācharaṇ kare to use ānandakī anubhūti pragaṭ hotī hai. usakī shraddhā nahīn karatā hai, svayam svayaṅkā yathārtha gnān nahīn karatā hai.
yadi pratīti niḥshaṅk ho to usakā ācharaṇakā bal bhī baḍh jātā hai. to usakā ācharaṇ bhī joradār apanī or hotā hai. lekin niḥshaṅkatā nahīn hai. dr̥uṣhṭi bāhar hai, isaliye svayam svayaṅko bhūl gayā hai. dekhe to gnān asādhāraṇ lakṣhaṇ hai. usakā nāsh nahīn huā hai. to bhī svayam svayaṅko dekhatā nahī̃n. vah anubhūtisvarūp bhagavān ātmākā svayam ānandarūp anubhav nahīn karatā hai. ataḥ anubhavamen to ā rahā hai, parantu vah ānandarūp anubhavamen nahīn ā rahā hai. gnān gnānarūp, usakā astitva astitvarūp pariṇamatā hai. aisā usakā artha hai.