237
mumukṣhuḥ- matalab vahān̐ astitva .. kahanā hai aur apanā dhyān nahīn rahatā hai aur apanā ānandakā anubhav nahīn kar rahā hai, aisā hī na?
samādhānaḥ- ānandakī anubhūti nahīn hai. vahān̐ anubhavakā artha aisā nahīn hai ki use svānubhav hai. aisā artha nahīn hai. svayam apane svabhāvarūp pariṇamatā hai. bas! aisā usakā artha hai. ānandakī anubhūtikā artha nahīn hai. gnānakā nāsh nahīn huā hai, parantu gnān gnānarūp pariṇamatā hai. usakā astitva astitvarūp hai. parantu us astitvakī use pratīti nahīn hai. astitva gnān gnānarūp hai, parantu us astitvakī use svayaṅko pratīti nahīn hai. apanī taraph yadi lakṣhya kare to svayaṅko astitva grahaṇ ho aisā hai. gnān gnānarūp pariṇamatā hai, lekin vah dekhatā nahīn hai. usakā svabhāv hī anubhūtisvarūp hai. vah svayam vedanasvarūp ātmā hai. parantu use vah pragaṭarūpase vedatā nahīn hai.
mumukṣhuḥ- vahān̐ to pratham ātmāko jānanā aisā kahā hai, shraddhān bādamen, aisā liyā hai.
samādhānaḥ- jab vah svayam apanī taraph jāy (usamen) pahale svayaṅko gnān-se pahachāne. vastu svarūp-se use pratīt yathārtha nahīn hai. pahale gnān yathārtha karanā, phir pratīt karanī, phir ācharaṇ karanā, kram aisā liyā hai. anādi-se svayaṅko sachchī samajh hī nahīn hai. isaliye vyavahāramen aisā kahe ki svayanne apanā gnān yathārtha nahīn kiyā hai, isaliye tū yathārtha kar to shraddhā yathārtha hogī, aisā kahanemen ātā hai.
bākī vāstavamen samyagdarshan, gnān, chāritrāṇī mokṣhamārga (hai). yathārtha pratīt ho to hī mokṣhamārgakā prārambh hotā hai. lekin use pahale gnān karanā chāhiye. usake mārgamen aisā ātā hai ki tū yathārtha gnān kar, phir shraddhā hotī hai. isaliye pratham gnān karanekā ātā hai. anādikā anajānā..
mumukṣhuḥ- usakā artha yah hai ki pratham shraddhā karanī to hī gnān huā aisā kahanemen āye.
samādhānaḥ- hān̐, shraddhā yathārtha ho to hī yathārtha gnān hotā hai. parantu pratham samajh jūṭhī hai, isaliye pratham samajhan yathārtha kara. vyavahār-se aisā ātā hai. kathan aisā hai ki vyavahāramen pahale gnān yathārtha kara. sirpha kathan hai aisā nahīn, pahale use jānanekā bīchamen ātā hai. pratīti bādamen yathārtha hotī hai. gnān yathārtha na ho to pratīti yathārtha nahīn hotī hai. parantu pratīti yathārtha ho to hī gnānako yathārtha kahanemen ātā hai. nishchay dr̥uṣhṭi-se aisā hai.
mumukṣhuḥ- do bāt ātī hai.
samādhānaḥ- do bāt hai, do bāt aisī hai.