334 se bharapūr aisā chaitanyadravya, usakī svānubhūti hotī hai to use aisā lagatā hai ki ye sab hamāre haĩn. dravya, akhaṇḍa dravya par dr̥uṣhṭi hai, to bhī ye sab guṇ usake gnānamen vartatā hai ki ye sab hamārā hai, ye koī hamārā nahīn hai. usakī bhāvanāmen vah sab ātā hai.
dr̥uṣhṭi, gnān, chāritra, anek prakārakī apekṣhāen̐ sādhya-sādhak bhāvamen hotī hai. anekāntamayī mūrti nityamev prakāshatāma. anekānta svabhāv hai. ek taraph-se dekho to klesh-kālimā dikhe. ek taraph-se shuddhātmā dikhe, ek taraph sādhakadashā ho. anek jātakī paryāy dikhe. ataḥ vah anekānta svarūp hai. anek apekṣhāen̐ sādhak dashāmenn hotī haĩn. aur pūrṇa ho to bhī usamen ananta guṇ aur ananta paryāyen,...
mumukṣhuḥ- .. bhedagnān vartatā hai aur samvedanamen to svabhāvake sāth abhed gnān hotā hai, to bhedagnānakī vyavasthā kyā?
samādhānaḥ- vikalpa hai vah to abhyāsarūp bhedagnān hai aur svānubhūtimen bhedagnānakā vikalpa nahīn hai, nirvikalpa dashā hai. bīchakī sādhakadashāmen bhedagnānakī dhārā, vah use sahaj pariṇatirūp hotī hai. use vikalparūp nahīn hai. use, main bhedagnān karun̐, aisā nahīn hai. parantu use sahaj gnāyakakī dhārā aur udayakī dhārā, donon bhinna dhārā sādhakadashāmen vartatī hai. udayadhārā aur gnānadhārā-gnāyakakī dhārā. donon jātakī bhedagnānakī dhārā use vartatī hī hai.
shāstramen ātā hai ki bhedagnān tabatak avichchhinna dhārā-se bhānā ki jabatak gnān gnānamen sthir na ho jāya. isaliye amuk anshamen sthir na ho jāy aur pūrṇa sthir na ho jāy, vītarāg dashā na ho tabatak bhedagnān avichchhinna dhārā-se bhānā. usamen truṭak na paḍe aisā. aisī sahaj bhedagnānakī dhārā, samyagdr̥uṣhṭiko sahaj bhedagnānakī dhārā hotī hai. gnāyakakī gnāyakadhārā aur vibhāvakī vibhāvadhārā. alpa asthiratā hotī hai vah vibhāvadhārā hai. aur gnāyak gnāyakarūp pariṇamatā hai, vah vikalparūp nahīn hai, parantu sahaj hai. jaise ekatvabuddhikī dhārā sahaj anādi kālase chal rahī hai, usamen use kuchh yād nahīn karanā paḍatā yā use dhokhanā nahīn paḍatā, ekatvabuddhikī dhārā (vartatī hai). vaise use bhedagnānakī dhārā aisī sahaj ho gayī hai ki gnāyak gnāyakarūp pariṇamatā rahatā hai aur vibhāv vibhāvarūpa. usakī alpa asthiratā hai isaliye vibhāvadhārā aur gnāyakadhārā donon dhārā rahatī hai. phir vītarāgadashā hotī hai, tab do dhārā nahīn rahatī. svānubhūtimen do dhārā nahīn hotī.
mumukṣhuḥ- donon dhārā bhinna-bhinna pariṇamatī hai, vahī bhedagnānakā astitva..
samādhānaḥ- vah bhedagnān hai.
mumukṣhuḥ- paryāyamen dravyatva nahīn hai aur dravyamen arthāt dhruvamen paryāyatva nahīn hai.