Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

239

335

to paryāy dravyake sāth ekatvakā anubhav kaise karatī hai?

samādhānaḥ- dravyamen paryāy nahīn hai, paryāyamen dravya nahīn hai. vah dr̥uṣhṭikī apekṣhā- se kahanemen ātā hai. dravya par dr̥uṣhṭi karane-se dr̥uṣhṭike viṣhayamen ek dravya ātā hai. bākī sarva apekṣhā-se dravyamen paryāy nahīn hai aur paryāyamen dravya nahīn hai, vah sarva apekṣhā- se nahīn hai. paryāyako dravyakā āshray hai aur dravya paryāyarūp pariṇamatā hai. is prakār dūsarī ek apekṣhā hai. sarva apekṣhā-se paryāy dravya nahīn hai aur dravya paryāy nahīn hai, vah sarva apekṣhā-se nahīn hai. paryāy sarvathā bhinna ho to paryāy svayam dravya ban jāya. sarva apekṣhā-se aisā nahīn hai.

mumukṣhuḥ- yahān̐ dravya yānī dhruv bhāva. yahān̐ dravya yānī dhruv bhāv aur paryāy bhāva. aise do bhāv lene haĩn.

samādhānaḥ- dhruv bhāv to vah akelā dhruv nahīn hai. dhruvako utpād-vyayakī apekṣhā hai. utpād-vyay binākā dhruv nahīn hai. akelā dhruv nahīn ho sakatā. utpād-vyayakī apekṣhāvālā dhruv hai. koī apekṣhā-se ansh bhinna hain, parantu ekadūsarekī apekṣhā rakhate haĩn.

mumukṣhuḥ- pahale nirapekṣha-se jānanā chāhiye aur phir sāpekṣhātā lagānī chāhiye arthāt dhruv dhruv-se hai aur paryāy-se nahīn hai. athavā paryāy paryāy-se hai aur dhruv- se nahīn hai. is prakār nirapekṣhatā siddha karake, phir sāpekṣhatā arthāt dravyakī paryāy hai aur paryāy dravyakī hai, aise lenā chāhiye? aisā samajhanamen kyā doṣh ātā hai?

samādhānaḥ- pahale nirapekṣha aur phir sāpekṣha. jo nirapekṣha yathārtha samajhe use sāpekṣha yathārtha hotā hai. usamen pahale samajhanemen pahalā-bādamen ātā hai, parantu yathārtha pragaṭ hotā hai, usamen donon sāthamen hote haĩn. jo yathārtha nirapekṣha samajhe, usake sāth sāpekṣha hotā hī hai. akelā nirapekṣha pahale samajhe aur phir sāpekṣha (samajhe), vah to vyavahārakī ek rīt hai. anādi kāl-se tūne svarūpakī or dr̥uṣhṭi nahīn kī hai, isaliye dravyadr̥uṣhṭi kara. aise dravyadr̥uṣhṭi kara. pahale tū yathārtha gnān kar, aisā sab kahanemen ātā hai.

is prakār tū pahale nirapekṣha dravyako pahachāna. nirapekṣha pahachānake sāth sāpekṣha kyā hai, vah usake sāth ā hī jātā hai. yadi akelā nirapekṣha āye to vah nirapekṣha yathārtha nahīn hotā.

mumukṣhuḥ- akelā nirapekṣha hai, vah ekānta ho gayā.

samādhānaḥ- vah ekānta ho jātā hai.

mumukṣhuḥ- āpakā kahanā yah hai ki samajhanemen pahale nirapekṣha aur bādamen sāpekṣha, aise samajhanamen do prakār paḍate haĩn. vāstavamen to donon sāth hī haĩn.

samādhānaḥ- vāstavamen donon sāth haĩn. samajhanemen (āge-pīchhe) hotā hai.

< Previous Page Next Page >