Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-5)

336

mumukṣhuḥ- jīvako rāgake pariṇāmakā parichay hai. gnān aspaṣhṭarūpase khyālamen ātā hai. aur vah bhī paraviṣhay ho, is taraha. is sthitimen āge kaise baḍhanā? is sambandhit mārgadarshan denekī kr̥upā karẽn.

samādhānaḥ- rāgakā parichay anādi-se hai. gnānakā parichay nahīn hai. to gnānasvarūp ātmākā parichay jyādā karanā. gnān bhale aspaṣhṭa (mālūm paḍe), apanī dr̥uṣhṭi bāhar hai, isaliye gnāt nahīn ho rahā hai, parantu jo gnāt ho rahā hai vah gnān hī hai. us gnānako vibhāv-se bhinna jānakar, akelā gnāyak-gnānako grahaṇ karanā. gnānako grahaṇ karanekā prayatna karanā. usakā parichay karanā, usakā bārambār abhyās karanā. usakā parichay jyādā karane-se usakā svabhāv samīp jākar pahachānane-se vah pragaṭ hotā hai. bhale vah gnān aspaṣhṭa dikhāī de yā jaisā bhī dikhāī de, parantu vah chaitanyakā lakṣhaṇ hai. isaliye us lakṣhaṇ-se lakṣhyako pahachānanā.

par taraph usakī dr̥uṣhṭi jātī hai, isaliye mānon gney-se ho aisī bhramaṇā ho gayī hai. to us bhramaṇāko chhoḍakar jo akelā gnān hai, us gnānako grahaṇ karanekā prayatna karanā. gnān bhale aspaṣhṭa mālūm paḍe, parantu vah gnān hī hai. aise gnānako grahaṇ karanekā prayatna karanā aur bār-bār prayatna karanā. usakā parichay karanā, usakā abhyās karanā. jo rāgakā parichay hai, vah chhoḍakar gnānakā parichay karanā, gnātākā parichay karanā. bār-bār usakā abhyās karanā. vah usakā upāy hai.

mumukṣhuḥ- gnānaparyāy par-se gnānasvabhāvakā khyāl kaise ā jātā hai?

samādhānaḥ- paryāy par-se, dr̥uṣhṭi to dravya par karanī hai, parantu paryāy bīchamen ātī hai. paryāyakā āshray nahīn ātā, parantu paryāy ātī hai. paryāy sāthamen ātī hai. dravyakā viṣhay karanā hai, parantu vah viṣhay to paryāy karatī hai. paryāy to sāthamen ātī hī hai. dr̥uṣhṭikī dishā palaṭatī hai. paryāy is or jātī hai, usakī dishā palaṭatī hai. usakā viṣhay dravya par jātā hai. paryāy to bīchamen ātī hī hai.

mumukṣhuḥ- paryāy ātī hai vah barābar, parantu pahale jaise rāg jānanemen ātā thā, vaise gnānakī paryāy jānanemen ātī hai, phir usamen-se gnānasvabhāv gnāt hotā hai yā sīdhā gnānasvabhāv gnāt hotā hai.

samādhānaḥ- gnānakī paryāy bhale jānanemen āye, parantu gnānasvabhāv grahaṇ karanekā prayatna karanā. paryāy grahaṇ karanekā prayatna nahīn karanā. parantu gnān grahaṇ karanekā prayatna karanā. vah ansh jo dikhatā hai, us anshako grahaṇ karanekā prayatna nahīn karanā. ye jo kṣhaṇ-kṣhaṇamen, kṣhaṇ-kṣhaṇamen jo dikhatā hai vah main, aisā prayatna nahīn karanā, parantu vah jānanevālā kaun hai? aisī jānanekī shakti dhāraṇ karanevālā kaun hai? us dravyako

< Previous Page Next Page >