239
ananta kāl-se jo nahīn huā aisā anupam tattva, aisā anupam ānanda aur ananta guṇ-se bharā chaitanyadravya, usakī svānubhūti hotī hai. shūnyadashā nahīn hotī hai, jāgr̥uti hotī hai. vibhāvamen jo thā, usase usakā jīvan palaṭ jātā hai. usakī pariṇati nyārī ho jātī hai. usakī dashā koī adabhut ho jātī hai. shūnyatā nahīn hotī. apanā chaitanyakā astitva grahaṇ kare, usakā bhedagnān karake bhītaramen jāy to usakī prāpti hotī hai.
mumukṣhuḥ- svānubhav to paryāyamen hotā hai. to sampūrṇa ātmā us paryāyamen ā jātā hai? paryāy to ek samayakī hai, to sampūrṇa ātmā usamen kaise ātā hai?
samādhānaḥ- ek samayakī paryāy hai. parantu ātmā to akhaṇḍa hai. ek paryāy ansh hai, vah palaṭ jātī hai. ātmā svayam akhaṇḍa hai. vah anādiananta shāshvat dravya hai. ek paryāy jo ansh hai, usamen pūrā anshī nahīn ā jātā. paryāy to ansh hai. svānubhūti hotī hai, svānubhūti paryāyamen hotī hai, parantu usamen dravya akhaṇḍa hai. pūrā dravya paryāyamen ghūs jātā hai, aisā nahīn hai. paryāyamen pūrā dravya ā jātā hai, aisā nahī̃n.
mumukṣhuḥ- usakī anubhūti hotī hai? paryāyamen anubhūti hotī hai.
samādhānaḥ- paryāyakī anubhūti hotī hai.
mumukṣhuḥ- lekin samay to bahut hī kam rahatā hai. mālūm nahīn paḍatā hogā.
samādhānaḥ- mālūm nahīn paḍatā hai, aisā nahīn hai. samay antarmuhūrta hotā hai. jisakī dashā badal jātī hai, usako vedan-svānubhūti hotī hai. chaitanyadravya hai, koī dūsarī vastu nahīn hai. svayam sva hī hai. svakā anubhav sva karatā hai to usako khyāl nahīn ātā hai, aisā nahīn hotā. usako khyālamen ātā hai, usakā vedan hotā hai. paryāy ansh hai, vah ansh palaṭ jātā hai, parantu dravya to shāshvat rahatā hai. dravya to anādiananta shāshvat hai.
mumukṣhuḥ- svānubhav honeke pahale dashā kis prakārakī hotī hai?
samādhānaḥ- usake pahalekī dashā to vah bhedagnānakā abhyās karatā hai. svānubhūtike bād bhedagnānakī sahaj dhārā rahatī hai. gnāyakakī dhārā, udayadhārā donon bhinna rahatī hai. svānubhūtike pahale vah abhyās karatā hai ki main chaitanya bhinna hūn̐, main gnāyak hū̃n. main anādiananta shāshvat tattva hū̃n. ye paryāy to kṣhaṇ-kṣhaṇamen badalatā huā ansh hai. main anshī akhaṇḍa hū̃n. aise usakī dr̥uṣhṭi dravya par rahatī hai. usakā-dr̥uṣhṭikā viṣhay dravya rahatā hai aur aisā abhyās karatā hai. yathārtha to svānubhūtike bād hotā hai. svānubhūtimen yathārtha hotā hai. usake pahale usakī pratīt karatā hai, usakā abhyās karatā hai. bārambār main chaitanya hūn̐, ye vibhāv merā svabhāv nahīn hai. main chaitanya gnāyak hūn̐, aisā abhyās karatā hai.
mumukṣhuḥ- gnānadhārā chalatī hai.