241
gnānamen-gnāyakamen sab kuchh hai, sarvasva gnāyakamen hai, par bāharamen kuchh nahīn hai. pahale to anubhūti hove tab usakā vedan hotā hai. pahale to main gnāyak hūn̐, usakā lakṣhaṇ pahachānanā chāhiye ki jo gnāyak jānanevālā hai, vah main hī hū̃n. ye jo gnānalakṣhaṇ hai, usako dharanevālā gnāyak hai. aise mūl tattvako grahaṇ karanā chāhiye. guṇake pīchhe jo guṇī hai, us guṇīko grahaṇ karanā chāhiye. mātra guṇ ek lakṣhaṇako pīchhānakar guṇīko lakṣhyamen le lenā chāhiye ki main gnāyak hū̃n. aise.
ek paryāyamātra yā bāharako jānatā hai isaliye main jānanevālā nahīn, main svataḥ gnāyak hūn̐, svataḥsiddha gnāyak hū̃n. aise svataḥsiddha tattvako grahaṇ kar lenā chāhiye. usako koī ālamban-se gnāyak hai yā jānatā hai isaliye gnāyak hai, aisā nahīn hai. vah svataḥ jānanevālā gnāyak vahī main gnāyak hū̃n.
shāstramen ātā hai na ki jitanā gnānamātra hai usamen ruchi kar, usamen santuṣhṭa ho, usamen tujhe sukh aur anubhav prāpta hogā. jitanā gnān hai utanā tū hai. jitanā gnāyak- jo gnānasvarūp ātmā hai vahī tū hai. "isamen sadā rativant ban, isamen sadā santuṣhṭa re.' usamen prīti kar, usamen ruchi kar, usamen santuṣhṭa ho, usamen tujhe sukh-anupam sukhakī prāpti hogī. aise gnānamātra-gnāyakamātra ātmāmen santuṣhṭa ho. usake liye sab vichār, vāñchan, gnāyakakā abhyās karaneke liye hai. usakā dravya, usakā guṇ, usakī paryāy kyā hai, vah sab yathārtha samajhamen lenā chāhiye.
mumukṣhuḥ- indriy gnān ātmānubhūtimen kis prakār bādhak hai, thoḍā-sā spaṣhṭa kījiye.
samādhānaḥ- indriy gnān to bhītaramen ātmānubhavamen sāthameen ātā nahī̃n. atīndriy gnān jo gnān-se gnān pariṇamatā hai, vah gnānasvarūp ātmā hai, vahī ātmākā mūl svarūp hai. mūl svarūpako grahaṇ karanā chāhiye. bāhar rukane-se, bāhar rukane-se to sab kṣhayopasham gnān hai. usamen indriyoṅkā nimitta hotā hai. bāhar upayog jātā hai to bādhak hotā hai, parantu bhītaramen jo upayog hove, bhītaramen jo pariṇati hove to atīndriy gnān pragaṭ hotā hai.
apanī dr̥uṣhṭikā doṣh hai ki dr̥uṣhṭi bāharamen jātī hai, dr̥uṣhṭi ekatvabuddhi karatī hai to vah bādhak hotī hai, ekatvabuddhi karane-se. parantu apane svarūpamen dr̥uṣhṭi jāy aur svarūpamen līnatā hotī hai to atīndriy gnān pragaṭ hotā hai. bāhar upayog hone-se indriy gnān rahatā hai. ekatvabuddhi hone-se vah bādhak hotā hai. ekatvabuddhi ṭūṭ jāy to atīndriy gnān pragaṭ hotā hai. usamen līnatā hone-se vah āge baḍhatā hai. pahale svānubhūti hotī hai, phir usamen līnatā baḍhate-baḍhate dashā baḍhatī jātī hai to munioṅko to kṣhaṇ-kṣhaṇamen svarūp anubhūti hotī hai. aise anubhūti baḍhate-baḍhate kevalagnān hotā hai. aise svarūpamen