4 līnatā karane-se atīndriy gnān baḍhate jātā hai. atīndriyakā anubhav baḍhate jātā hai. bāhar ekatvabuddhi hone-se indriy gnān rahatā hai, bhītaramen upayog jāy to atīndriy gnān pragaṭ hotā hai. ekatvabuddhikā doṣh hai.
mumukṣhuḥ- bahinashrī! ye ekatvabuddhi to parapadāthā-se karanā nahīn chāhate, phir bhī lekin phir bhī us taraphalakṣhya kyon bār-bār jātā hai?
samādhānaḥ- karanā nahīn chāhatā hai to bhī pariṇati to aisī anādi-se ho rahī hai ekatvabuddhi. bhāvanā nahīn hai. ekatvabuddhi nahīn karanā, nahīn karanā (aisā hotā hai, lekin) bhītaramen ho rahī hai to usako toḍ denā chāhiye. vichār kare, sūkṣhma upayog kare, pragnāchhainī taiyār karake usako toḍ denā chāhiye.
jo vikalpakī jāl chal rahī hai, us vikalpake sāth ekatvabuddhi ho rahī hai. vah ekatvabuddhi toḍ denī chāhiye. ichchhā nahīn hove to toḍ denā chāhiye. sachchī bhāvanā use kahanemen ātī hai ki jo use toḍanekā prayatna kare. usako-ekatvabuddhi toḍanekā prayatna karanā chāhiye. svamen ekatva aur par-se vibhakta. svamen ekatvabuddhi karanā chaitanyamen aur par-se vibhakta ho jānā. ekatvabuddhikā doṣh hai, mithyātva, bhūl hai vah vahī hai.
svamen ekatvabuddhi nahīn kī aur paramen ekatvabuddhi kī, is bhūlake kāraṇ sab bhūl chalatī hai. sab pariṇati vibhāv taraph jātī hai. apanī ekatvabuddhiuhuyī to atīndriy gnān pragaṭ huā, līnatā pragaṭ huyī, to gnān, darshan, chāritra sabakī apanī or pariṇati huyī. par taraph dr̥uṣhṭi hai to dr̥uṣhṭi bhī mithyā, gnān bhī mithyā aur chāritra bhī mithyā. aur apanī taraph dr̥uṣhṭi gayī to gnān samyak huā aur chāritra bhī samyak huā. sab samyak huā.
sarvaguṇānsh so samyagdarshana. sarva guṇoṅkā ansh samyagdarshanamen pragaṭ ho jātā hai. svarūp anubhavamẽn. aur vibhāvamen hai to sab vibhāvakī pariṇati hai. .. bāharamen mān liyā ki nau tattvakā shraddhān karate hain yā chhaḥ dravyakā shraddhān karate hain, usamen samyagdarshan nahīn ho jātā hai. vah to vikalpa mātra hai. bhūtārtha nay-se chaitanyako grahaṇ karatā hai to samyagdarshan hotā hai, to svānubhūti hotī hai. aur bhed vikalpamen rukane-se kahīn samyagdarshan nahīn ho sakatā hai. vah to bīchamen ātā hai. guṇakā bhed vichāramen āte haĩn. usamen ruk jāy to svānubhūti nahīn hotī hai. vikalpa ṭūṭ jāy, usamen līnatā hove tab svānubhūti hotī hai. chaitanyamen līnatā, chaitanya taraph dr̥uṣhṭi (kare) to svānubhūti hotī hai. gnān sabakā hotā hai. guṇakā, paryāyakā, sab gnānamen ātā hai.
samādhānaḥ- yathārtha bhāvanā, laganī aur puruṣhārtha ho to pragaṭ hue binā rahatā hī nahī̃n. der lage, lekin us taraphakā prayatna ho aur vah aise hī puruṣhārtha chālū