Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

10 hotā hai, pahale usakā abhyās hotā hai. isaliye isakā abhyās honā chāhiye.

main chaitanya hūn̐, gnāyak hū̃n. ye sab vibhāv hai. main usakā kartā nahīn hū̃n. pariṇati, apanī vibhāv pariṇati chaitanyakī puruṣhārthakī kamajorī-se hotī hai. lekin vah merā svarūp nahīn hai. main chaitanya anādiananta shuddhātmā hū̃n. shuddha svarūpamen dr̥uṣhṭi karane-se gnān, usakī līnatā karane-se shuddha paryāy pragaṭ hotī hai. isake liye bārambār usakā abhyās karanā chāhiye. bārambār-bārambāra.

mumukṣhuḥ- ... vichār yā bhāvanā.. ye kaisā patā lage ki ... yā manda rāgakā svarūp hai? ye patā kaise lagegā?

samādhānaḥ- manda rāg, vikalpa manda hove to bhī shubhabhāv ākulatārūp hai. visheṣh sūkṣhma dr̥uṣhṭi-se dekhanā chāhiye, usakā lakṣhaṇ pahachānanā chāhiye ki ye vikalpakā lakṣhaṇ hai, gnānakā lakṣhaṇ nahīn hai. shubhabhāv hove to bhī ākulatārūp hai.

mumukṣhuḥ- main to.. vikalpa pakaḍamen nahīn ātā hai to nirvikalpa yā ... aisā kuchh hai? kaise patā lage? samajhamen nahīn ātā hai ki vikalpa hai yā koī rāg hai, aisā pakaḍamen nahīn ātā. tab ... ānanda yā shāntikā vedan jo hotā hai, vah ātmik hai yā rāgakā hai, ...

samādhānaḥ- jisako sachchā nirvikalpa hotā hai, vah grahaṇ kar letā hai ki yah nirvikalpa hai. usako vikalpa ṭūṭ jātā hai. vikalpa, shubhabhāv bhī ṭūṭakar nirvikalpa svabhāvameen līn ho jātā hai. usake ātmākā bhedagnān ho jātā hai. ugrapane puruṣhārtha karake vah svarūpamen aisā līn ho jātā hai ki use bāhar vikalpakā khyāl bhī nahīn rahatā. upayog bāhar-se haṭ jātā hai aur svarūpamen aisā līn ho jātā hai ki apane svarūpamen ananta gnān aur ānandādi ananta guṇoṅkā vedan svānubhūti ho jātī hai, apane āp use khyālamen ā jātā hai. jaisā siddha bhagavānakā svarūp hai, aisā ānshik rūpase usako vedanamen ātā hai. usakā ugrapane gnān karane-se, ugrapane nirvikalpa svānubhūti ho jātī hai. usakā ātmā usako javāb de detā hai ki yah svānubhūti hī hai, yah vikalpa nahīn hai. usako shaṅkā bhī nahīn rahatī hai. usako bhed paḍ jātā hai aur svarūpamen līn ho jātā hai. bāhar upayog rahatā hī nahī̃n.

koī apūrva duniyāmen chalā jātā hai, chaitanyakī duniyāmen chalā jātā hai, usako khyāl... usakā ātmā nakkī kar detā hai ki yah svānubhūti hai aur yahī mokṣhakā panth hai. bhītaramen-se aisā nishchay aur vedan ho jātā hai. yah svānubhūti hai, yathārtha hai. yah svānubhūti aur bhagavān kahate hain, ek hī svarūp hai, dūsarā nahīn hai. aisā ātmāmen-se aisā jor aur aisī pratīti usako ā jātī hai.

< Previous Page Next Page >