Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

242

mumukṣhuḥ- anubhūti pūrva umaṅg, ullās, romāñchit honā yah ghaṭatā hai? yā nahīn ghaṭatā hai?

samādhānaḥ- vah to shubhabhāvakā romāñch ātā hai. pūrvabhūmikāmen guṇakā bhed, main gnān hūn̐, darshan hūn̐, chāritra hūn̐ aise bhed par usakā lakṣhya nahīn hai. dr̥uṣhṭi to shāshvat chaitanya par hai. parantu bhītaramen jo romāñch hotā hai, vah shuddhātmākā romāñch nahīn hai. vah to shubhabhāvakā hai. shuddhātmākā romāñch nahīn ātā, vah to apane svarūpamen līn ho jātā hai. svānubhūtimen to bhītaramen-se apūrva ānanda hotā hai. pahale-se dhīre-dhīre ānanda ātā jāy, bādamen visheṣh ānanda āve, aisā nahīn hai.

jis kṣhaṇ vah svarūpamen līn hotā hai, jis kṣhaṇ vikalpa ṭūṭatā hai, usī kṣhaṇ ānanda ātā hai. pahale romāñch hotā hai vah romāñch ātmākā nahīn hai. vah romāñch to shubhabhāvakā hai. vah romāñch ātmā taraphakā nahīn hai. ullās ātā hai ki main bhītaramen jātā hūn̐, vah shubhabhāvakā hai.

pahale ānandakī shurūāt ho jātī hai vah bhītarakā nahīn hai. jab vikalpa ṭūṭatā hai, usī kṣhaṇ ānanda ātā hai. jis kṣhaṇ vikalpa ṭūṭ gayā aur svarūpamen līn huā, upayog svarūpamen jam gayā to usī kṣhaṇ ānanda ātā hai. pahale-se ānanda shurū ho jātā hai, aisā nahīn hotā. vah to shubhabhāvakā ānanda hai. aur ullās ātā hai vah shubhabhāvakā hai, vah shuddhātmākā nahīn hai. usī kṣhaṇ ānanda ātā hai.

mumukṣhuḥ- shānti aur ānanda... shītalatā aur shāntikā vedan kuchh pradeshommen ...

samādhānaḥ- nahīn, aisā nahī̃n. sarvaguṇānsh so samyagdarshana. aisā hotā hai to manake dvārā kahanemen ātā hai. kyoṅki manakā nimitta vahān̐ hotā hai. parantu usako ānanda to asaṅkhya pradeshamen khaṇḍa nahīn paḍatā. pūre chaitanyamen ānanda hotā hai. usako aisā khyāl nahīn rahatā ki idhar-se ānanda āyā, idharas-se (āyā). vah to apane svarūpamen līn ho jātā hai. akhaṇḍa pradeshamen usako ānanda hotā hai. manakā nimitta to jo vikalpa ṭūṭatā hai, man idhar hai isaliye usako aisā lagatā hai ki idharase āyā yā shurūāt idhar-se huyī. parantu akhaṇḍa ātmāmen ānanda (ātā) hai.

dravyaman hai na, vah aisā nimitta banatā hai. vikalpa idhar-se uṭhatā hai to vikalpa bhī ṭūṭatā hai, isaliye usako aisā lagatā hai ki idhar-se āyā. usakā nimitta hai. bākī asaṅkhya pradeshamen ānanda ātā hai. jab andhakār hotā hai usamen prakāsh hotā hai to yah andhakār jab ṭūṭā to usī kṣhaṇ prakāsh huā. jab prakāsh huā, vikalpa ṭūṭā usī kṣhaṇ ānanda ātā hai.

jabatak shubhabhāvanā hai, vikalpa manda hai tabatak to vah andhakār hī hai. jab

< Previous Page Next Page >