18 rahatā hai. kaise svatantra hai, yah apekṣhā samajhanī chāhie.
mumukṣhuḥ- ... pharamāyā ki samyagdarshanake viṣhayamen samyagdarshanakī paryāy nahīn hai.
samādhānaḥ- samyagdarshan paryāy viṣhayamen nahīn hai?
mumukṣhuḥ- hān̐, viṣhayamẽn.
samādhānaḥ- samyagdarshanakā viṣhay nahīn hai, parantu usamen gauṇ rah jātī hai. viṣhay to dravya hai. viṣhay dravya hai. paryāyako viṣhay nahīn karatī, dr̥uṣhṭi viṣhay nahīn karatī hai. gnānamen gauṇapane rah jātā hai.
mumukṣhuḥ- gnānamen rahatā hai, gauṇapane.
samādhānaḥ- gnānamen rahatā hai. dr̥uṣhṭi aur gnān donon sāthamen rahate haĩn. dr̥uṣhṭi alag aur gnān alag (aisā nahīn). dr̥uṣhṭi samyak huyī usake sāth gnān bhī rahatā hai. dr̥uṣhṭi aur gnān sāthamen rahate hain, gnānamen vah paryāy gauṇ rahatī hai. dr̥uṣhṭikā viṣhay dravya hai to bhī dr̥uṣhṭi aur gnān donon bhinna-bhinna nahīn hai. dr̥uṣhṭike sāth jo gnān rahatā hai to gnānamen vah paryāy khyālamen rahatī hai. viṣhay bhale dravya hove, to bhī paryāy rahatī hai. paryāyakā gnān usake sāth rahatā hai. gnān, dravya aur paryāy donoṅko jānatā hai. gnānamen dravya aur paryāy donon sāthamen rahate haĩn.
samādhānaḥ- ... sab karane lāyak sarvasva ho to ātmāmen sab kuchh hai. bāharamen kuchh hai nahī̃n. bāharamen to ekatvabuddhi, abhyās bāharakā hai isaliye bhītaramen jātā nahīn hai. to puruṣhārtha apane karanā paḍatā hai. puruṣhārtha kare, puruṣhārtha karane-se hotā hai. apanā pramād hai, kisīkā doṣh nahīn hai. gurudevane to bahut batāyā hai, karanā to apaneko paḍatā hai.
main gnāyak hūn̐, bākī sab vibhāv hai. vibhāvamen sukh nahīn hai, sukh ātmāmen hai. ye sab ākulatārūp hai-duḥkharūp hai. aisī pratīt, dr̥uḍhatāpūrvak pratīt karanī chāhiye. pratīt kare aur puruṣhārtha kare to hotā hai. bārambār-bārambār usakā abhyās karanā paḍatā hai. ek daphe kare aisā nahīn, bārambār (kare).
gurudevane jo batāyā hai, jo shāstramen āyā hai. puruṣhārtha to koī rokatā nahīn hai. karma rokate nahīn hai, koī padārtha rokate nahīn, apane kāraṇ-se ruk jātā hai. bāharamen ruchi hai. svarūpamen ruchi karanī chāhiye.
mumukṣhuḥ- kuchh log kahate hain ki kramabaddhaparyāyake bahāne, jo honā hai vahī hogā. puruṣhārtha to ham bahut karate hain, lekin nahīn hotā hai to kramabaddhaparyāyamen nahīn hai. hone yogya nahīn hai to kaise hogā? usakā kyā kiyā jāy? usakā samādhān kyā hai?
samādhānaḥ- kramabaddha aise kramabaddha nahīn hotā hai. kramabaddha to, puruṣhārthake sāth