243
kramabaddha hotā hai. gurudev kahate hain ki gnāyak taraph dr̥uṣhṭi karo. gnāyakako jisane samajhā, usane kramabaddhako samajhā. jo gnāyak nahīn samajhatā hai, usako kramabaddha bhī samajhamen nahīn āyā hai. kramabaddhake sāth puruṣhārthakā sambandha hai. puruṣhārtha binā kramabaddha nahīn hai. jisake lakṣhyamen puruṣhārtha nahīn hai, usakā kramabaddha yathārtha nahīn hotā. vah to sansārakā kramabaddha hai.
jise puruṣhārthakī dr̥uṣhṭi hotī hai, usakā kramabaddha mokṣhake taraph jātā hai. puruṣhārthake sāth kramabaddhako sambandha hai. aise kāl, svabhāv ādi, pān̐ch labdhiyān̐ sāthamen hotī hai tab apanā kārya hotā hai. kramabaddha akelā samajhane-se nahīn hotā, puruṣhārtha pūrvak kramabaddha samajhanā.
mumukṣhuḥ- mātājī! jab paryāyamen alpagnatā hai to sarvagna svabhāvakā vishvās kaise āyegā?
samādhānaḥ- paryāyamen alpagnatā bhale hove. apanā svabhāv sarvagna hai. paryāy alpagna hove to bhī vishvās ho sakatā hai. sarvagnakī pariṇati pragaṭ karanemen to der lagatī hai. sarvagnakī pratīt to ho sakatī hai. pratīt honemen alpagna paryāy usamen rokatī nahīn hai. sarvagnakī pratīt to ho sakatī hai ki main sarvagna hū̃n. aisī pratīti ho sakatī hai. main gnāyak, sampūrṇa gnāyak hū̃n. main sarvagna shakti-se sarvagna hū̃n. pragaṭ nahīn huā, parantu aisī pratīt ho sakatī hai.
mumukṣhuḥ- svānubhūtike liye hamako indriyagnān bādhak lagatā hai. indriy gnān .. to anubhūti hogī.
samādhānaḥ- apane karane-se hotā hai, indriyakā gnān rokatā nahīn hai. atīndriy gnān pragaṭ karanemen apanī ruchi badal denī. svarūp taraph ruchi kare, usamen līnatā kare, pratīt kare. jisakā svabhāv main gnāyak hūn̐, gnānamātra svabhāv hai utanā main hū̃n. usamen vishvās karake usamen sthir ho jāy, līnatā kare to atīndriy gnān pragaṭ hotā hai. indriy gnān usamen rokanevālā nahīn hai. bhītaramen-se pragaṭ karanā apane hāthakī bāt hai. koī indriyagnān usamen rokatā nahīn hai. indriyagnān hove isaliye atīndriy nahīn hotā hai, aisā nahīn hai.
bhītaramen-se pragaṭ karanā svayansiddha apanā svabhāv hai. apaneāp, apāriṇāmik dravya apaneāp pragaṭ kar sakatā hai. dev-guru-shāstra usakā nimitta hotā hai. upādān apanā hai. jo jinendra devane batāyā, jo gurudevane batāyā, jo shāstramen hotā hai, sab apane karanā paḍatā hai. atīndriy gnān pragaṭ kare, usamen svānubhūti pragaṭ karanā apane hāthakī bāt hai. koī kar nahīn detā hai. usamen koī rokatā nahīn hai. indriy gnān usamen rukāvaṭ nahīn karatā hai.