22 anubhūti hotī hai. pragaṭ paryāy huyī isaliye paryāyakā anubhav huā. aisā kahate haĩn. parantu dravya-paryāy donoṅkā gnān hotā hai.
mumukṣhuḥ- māteshvarī! ye sab vikalpa, main gnāyak hūn̐, gnāyak hūn̐ karate-karate nirvikalpatākā ānanda nahīn ā rahā hai.
samādhānaḥ- vikalpa.. vikalpa... vikalpa-se nirvikalpa nahīn hotā hai. usakā abhyās rahatā hai ki main gnāyak hūn̐, gnāyak hū̃n. vikalpa to vikalpa hī hai. vah shubh vikalpa hai. parantu abhyās to pahale aise hī hotā hai. vikalpa, rāgamishrit bhāv sāthamen rahatā hai ki main gnāyak hūn̐, gnāyak hū̃n. vikalpa-se nirvikalpa nahīn hotā. main gnāyak hūn̐, aisī pariṇati pragaṭ hove aur vikalpa ṭūṭ jāya.
main gnāyak hī gnāyak hū̃n. svayansiddha anādiananta gnāyak hū̃n. gnāyak svabhāvī shuddhātmā gnāyak hū̃n. aisī pratīt dr̥uḍh karake usakī līnatā hove, is tarahakī pariṇati pragaṭ hove to nirvikalpa hotā hai, to vikalpa ṭūṭ jātā hai. bākī vikalpa bīchamen ātā hai, parantu vikalpa-se vah nirvikalpa nahīn hotā hai. bhītarakī līnatā, usakī ekāgratā, usakī pratītikī dr̥uḍhatā hove, līnatākī dr̥uḍhatā hove to nirvikalpa hotā hai. vikalpa-se nirvikalpa nahīn hotā hai.
mumukṣhuḥ- āchārya kahate hain ki yuktike avalamban-se andaramen jānā. to kaun- sī prabal yukti hai jisase andar jāy?
samādhānaḥ- yuktike avalamban-se. dr̥uḍh yukti-se aisā nirṇay karanā chāhiye ki main shuddhātmā hī hūn̐ aur kuchh main nahīn hū̃n. yukti-se, āgam-se aise sabase yathārtha nirṇay karanā, bādamen svānubhūti hotī hai. jo āgam batātā hai, jo yukti-se (nakkī kiyā) ki svabhāv hai usakā nāsh nahīn hotā hai. svabhāv to anādiananta jo svayansiddha vastu hai, usakā nāsh nahīn hotā hai. aisī anek tarahakī yukti-se nirṇay karanā chāhiye.
main gnānasvabhāv hū̃n. gnān to gnān hī rahatā hai. jo pānī shītal hai, vah shītal hī rahatā hai. agnikī uṣhṇatākā svabhāv hai, uṣhṇa hī rahatā hai. ye to dr̥uṣhṭānta hai, sthūl dr̥uṣhṭānta hai. anādiananta paramāṇu paramāṇu rahatā hai, ātmā ātmā hī rahatā hai. vastukā nāsh nahīn hotā. aisī anek tarahakī yukti-se main chaitanya svabhāv ātmā, shuddhātmā hū̃n. usamen ashuddhatā nahīn hotī hai. ashuddhatā paryāyamen hotī hai. ek dravyamen dūsarā dravya pravesh nahīn karatā. anek tarahakī yuktike bal-se aur jo āchārya bhagavant kahate hain, gurudev kahate hain, un sabakā milān karake yuktike avalamban-se dr̥uḍh pratīti karake āge jāye ki main gnāyak hūn̐, yathārtha main gnāyak hū̃n. svayansiddha shuddhātmā hū̃n. aisī bārambār pratīti dr̥uḍh karake līnatākī dr̥uḍhatā karanā. bārambār usakā abhyās karanā. yukti anek