Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

mumukṣhuḥ- apekṣhāon̐kī khīn̐chatān-se jo kuchh ulajhanen utpanna huyī hai, āp spaṣhṭīkaraṇ karate ho to sabako ek jātakā samādhān bhī ho jātā hai.

mumukṣhuḥ- sabake pakṣha aise ho gaye haĩn. jise jignāsā ho vah samajhatā hai. bākī sabakī dr̥uṣhṭi anusār sab khīñchate haĩn. .. bāt aisī hai, sabakī dr̥uṣhṭi anusār khīn̐ch lete hai. jise jignāsā yathārtha ho, use barābar samajhamen āye aisā hai. aisā bahut bār hotā hai. to bhī koī prasaṅg ho to tab āp viḍīyo lāte hī ho.

mumukṣhuḥ- hamen to āp pharamāte ho, isaliye vah prasaṅg hī ban jātā hai.

samādhānaḥ- .. gurudevane to chāron or barasāt barasā gaye haĩn. main to ṭhīk, prashna pūchhe usake javāb detī hū̃n. gurudevane chāron or mūsalādhār bārīsh barasā dī hai. har jagar aṅkur utpanna ho gaye, aisī barasāt barasāyī hai. ām boye haĩn.

mumukṣhuḥ- bārīsh barasaneke bād kisīne aṅgīkār kar liyā ho, usamen-se bhī nadī, jharane ādi bahate hain na. usakā bhī lābh to milanā chāhiye na. ... dete hoṅge, usakā lābh to ham lenevāle haĩn.

samādhānaḥ- āp āte ho tab prashna to pūchhate hī ho.

mumukṣhuḥ- bālak ho to usakī ek ādat hotī hai ki mātāko thoḍā pareshān kare. aur mātāko aisā hotā hai ki bālak pareshān kare to bhī manamen use ānanda hotā hai ki bhale bālak pareshān kare. isaliye ham bālak jaise haĩn.

samādhānaḥ-

prashna-charchā hotī hai, bākī svāsthya aisā rahatā hai, isaliye thoḍī dikkat hotī hai. gurudevane bahut (samajhāyā hai). bahut prashna ho gaye haĩn.

mumukṣhuḥ- .. svaparaprakāshak hai aisā bhī kahanemen ātā hai. donoṅkī vivakṣhā kyā hai? kahān̐ vajan hai?

samādhānaḥ- svaprakāshak arthāt svayam paramen jātā nahīn hai, par padārthake sāth ek nahīn ho jātā hai. sva aur para. jo bhī jānatā hai, vah svayam gnānake svabhāv-se jānatā hai. par-se svayam jānatā nahīn hai. isaliye svaprakāshak kahanemen ātā hai. bākī svaparaprakāshak usakā svabhāv hai.

svaprakāshak yānī svako hī jāne aur parako jānatā hī nahīn, use parakā kuchh gnān hī nahīn hotā hai, aisā usakā artha nahīn hai. to-to usakā gnānasvabhāv maryādit ho jāya. svaprakāshak yānī parako jānatā hī nahīn, aisā ho to gnān maryādit ho jāya. vāstavamen svayam apanī pariṇatimen rahe, svabhāvamen rahe aur sahaj gnāt ho jāya. arthāt gnān gnānako jānatā hai, gnān parako nahīn jānatā hai, us apekṣhā-se aisā kahanemen ātā hai. parantu gnān gnānako jāne yānī vah dūsare kā kuchh svarūp jānatā nahīn hai,

< Previous Page Next Page >