Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

246

aisā nahīn hai.

vah gneyoṅkā svarūp jānatā hai. gnānamen sab gneyoṅkā svarūp ātā hai. ananta gney jo jagatamen hain, chhaḥ dravya, usake dravya-guṇ-paryāy, usakā bhūt-vartamān-bhaviṣhya sab usake gnānamen ātā hai. yadi gnānamen na āye to use gnānasvabhāv kaise kahen? gnānaguṇ use kahate hain ki jisamen maryādā na ho, aisā guṇ ho. isaliye vah pūrṇa jānatā hai. gnānamen use sab ātā hai. upayog bāhar nahīn jātā, apanī pariṇatimen rahakar, gnān gnānamen rahakar sab jānatā hai. aisā usakā svabhāv hai. isaliye svaparaprakāshak is tarah hai.

paramen jākar, usakā kṣhetra chhoḍakar bāhar nahīn jātā hai. apane kṣhetramen rahakar jāne, yānī gnān gnānake svarūpako jāne, gnān gnānako jāne, aisā kahanemen ātā hai. lekin vah gnān gnānako jāne isaliye usamen dūsarekā gnān ātā hī nahīn hai, aisā nahīn hai. pūre lokālokakā gnān, narka, svarga, pūre lokālokakā gnān, chhaḥ dravya, usake dravya- guṇ-paryāy, bhūt-vartamān-bhaviṣhya kuchh na jāne, yadi vah nahīn jānatā ho to. gnānamen sab ātā hai. ataḥ gnān svaparaprakāshak hai.

kevalagnān hotā hai tab sahaj gnāt hotā hai, usakā svabhāv hī hai. nahīn hotā tabatak usakā adhūrā gnān hai. svayam apane svarūpamen rahe isaliye usakā upayog bāhar nahīn hotā, isaliye nirvikalpatāke samay use bāharakā upayog nahīn hai. bākī usake gnānakā nāsh nahīn huā hai. gnānakī shakti to amaryādit hai.

mumukṣhuḥ- matalab upayogātmak rūpase bāharakā jānanā us vakta nahīn hotā.

samādhānaḥ- nahīn hai, upayogātmak nahīn hai. bākī usamen aisī jānanekī shakti nahīn hai, aisā nahīn hai. pratyabhignān... gnān to hai, aisā svabhāv hai. to bhūtakālakā kuchh jāne hī nahīn, bhaviṣhyakā kuchh jāne hī nahī̃n. aisā nahīn hai. kevalagnān hone- se pahale pūrvakā sab jāne aisā usakā .. hai. nahīn hai, aisā nahī̃n.

mumukṣhuḥ- pūrvakā jānatā hai, vartamān jānatā hai aur bhaviṣhyakā..

samādhānaḥ- bhaviṣhyakā jāne, sab jān sakatā hai. aisā usakā svabhāv hai. usakī dishā par taraph-gney taraph (hai). terī dishā badal de. terī dishā svasanmukh kar de. tere svadravya taraph terī dishā badal de. bākī kuchh gnāt nahīn hotā hai, aisā nahīn hai. apanī pariṇati sva-or gayī aur upayog svayam nirvikalpa svarūpamen sthir huā, isaliye bāharakā upayog nahīn hai, isaliye gnāt nahīn hotā. usakā svabhāv nāsh nahīn huā. vah adhūrā gnān hai isaliye kram-kram-se gnān jānatā hai. upayog andar sthir ho gayā, isaliye bāharakā gnāt nahīn hotā.

mumukṣhuḥ- upayogātmak sthiti alag hai aur svabhāvakī sthiti..

< Previous Page Next Page >