46 use bārambār badalate rahanā. shrutake chintavanamen upayogako lagānā. vichāramen lagānā, usīmen sthir na rahe to bhale hī shubhabhāvamen (rahe), vichārako badalate rahanā. usakā prayatna karanā. anādikā abhyās hai isaliye bīchamen ā jāy to use badalate rahanā. badalanekā prayatna karanā ki yah merā svabhāv nahīn hai, main usase bhinna hū̃n. is prakār bārambār use badalate rahanā aur shāstrake adhyayanamen chitta lagānā. ekamen hī sthir na rahe to gurudevake, jinendra devake, shrutake vichāroṅko badalate rahanā, ekamen chitta sthir na rahe to. dhyey ek (honā chāhiye ki) main shuddhātmāko kaise pahachānū̃n.
mumukṣhuḥ- ulajhan miṭanekā yah ek hī sthān hai?
samādhānaḥ- gurudevane bahut mārga batāyā hai, parantu grahaṇ svayaṅko karanā paḍatā hai. apūrva ruchi antaramen jāge aur gurudevane kahā vah āshay grahaṇ ho to antaramen palaṭā hue binā rahe nahī̃n. shāstramen ātā hai, tatprati prīti chitten, vārtāpi hī shrutā. vah vārtā bhī apūrva rīt-se sunī ho. gurudevane jo vāṇīmen (kahā), unakā jo āshay thā (use grahaṇ kare) to vah bhāvi nirvāṇ bhājan hai. parantu jo mumukṣhu ho use aise bhī santoṣh nahīn hotā. main antaramen kaise āge baḍhūn̐? jise ruchi jāgr̥ut ho, use ātmā antaramen mile nahīn tabatak santoṣh nahīn hotā. bhale vārtākī apūrvatā lagī, parantu svayaṅko andar jo chāhiye vah prāpta na ho tabatak mumukṣhuko santoṣh nahīn hotā.
jisane gurudevako grahaṇ kiyā, unakā āshay samajhā vah bhāvi nirvāṇ bhājanan. parantu mumukṣhuko antaramen santoṣh nahīn hotā. jabatak andar ātma svarūp jo santoṣhasvarūp hai, jo tr̥uptasvarūp hai, jisamen sab bharā hai, aisā chaitanyadev pragaṭ na ho tabatak use puruṣhārtha hotā nahīn, tabatak use shānti nahīn hotā. aur karanekā vah ek hī hai. abhyās usīkā karanā hai, bārambār usakā abhyās (karanā). manda paḍe to bhī bārambār usakā abhyās karanā. bārambār us taraph hī jānā hai. anādikā abhyās hai isaliye us abhyāsamen jāy to bhī antaramen to svayaṅko hī palaṭanā hai.
antarake abhyāsako baḍhā de aur dūsare abhyāsako gauṇ kare to antaramen-se pragaṭ hue binā nahīn rahatā. bārambār main gnāyakadev hūn̐, ye vibhāv merā svabhāv hī nahīn hai. aise antaramen yadi svayam jāy, bārambār gnāyakadevakā abhyās kare to gnāyakadev pragaṭ hue binā nahīn rahatā. usakā abhyās bārambār chhūṭ jāy, manda paḍ jāy to bhī bārambār karatā rahe. anādikā abhyās hai, puruṣhārthakī mandatā-se usamen juḍ jāy to ekatvabuddhiko bārambār toḍatā rahe. main gnāyak hūn̐, aise bārambār abhyās karatā rahe. din aur rāt usīkā abhyās, usake pīchhe paḍe to vah pragaṭ hue binā nahīn rahatā.