gauṇ) karanemen ātā hai. parantu vyavahāramen to kevalagnānakī kaivalya dashā, vītarāg sarvagnadev (hain). sādhak dashā jisane puruṣhārtha karake pragaṭ kī, vah sab pūjanik kahanemen ātā hai. muni dashā pūjanik kahanemen ātī hai. ataḥ dr̥uṣhṭi aur gnān donon sāthamen hī hote haĩn. akelī dr̥uṣhṭi ho aur gnān yadi vivek na kare to vah dr̥uṣhṭi jūṭhī ṭhaharegī.
dr̥uṣhṭikā viṣhay aisā hai ki ek par, ekako viṣhay kare. aur gnān sab vivek kare. aur dr̥uṣhṭi binākā gnān bhī yathārtha nahīn hai. dr̥uṣhṭi mukhya ho, parantu usake sāth gnān ho to un donoṅkā sambandha hai. yadi akelā hogā to galat hogā. dr̥uṣhṭimen kūṭastha āyā isaliye vah sachchā aur gnānamen kathañchit pariṇāmī aur apariṇāmī āyā, isaliye vah jūṭhā, aisā nahīn hai.
kūṭastha to (isaliye kahate hain ki), dr̥uṣhṭi muktike mārgamen mukhya hai isaliye. tūne anādi kāl-se yah sachchā aur yah sachchā, yah bhī sachchā aur yah bhī sachchā, aisā kiyā aur yathārtha samajhā nahīn, isaliye us pramāṇako aisā kahanemen ātā hai. parantu dr̥uṣhṭipūrvakakā jo pramāṇagnān hai vah to yathārtha hai. dr̥uṣhṭine viṣhay kiyā akhaṇḍakā, akhaṇḍakī dr̥uṣhṭi binā muktikā mārga hotā nahī̃n. parantu sāthamen jo gnān rahatā hai, vah donoṅkā- dravya aur paryāyakā vivek karatā hai. isaliye vah pramāṇ bhī yathārtha hai. usake pahalekā pramāṇ koī aisā kahatā ho ki nishchay sachchā aur vyavahār bhī sachchā, aisā karatā ho to vah yathārtha nahīn hai. parantu dr̥uṣhṭipūrvakakā gnān hai vah yathārtha hai.
mumukṣhuḥ- rāg-dveṣh hote hain, vah na ho usakā upāy batāīye.
samādhānaḥ- rāg-dveṣh na ho,.. pahale usakā bhedagnān karanā paḍatā hai. jabatak vah rāgakī dashāmen khaḍā hai, usakī rāgakī ruchi kam ho jānī chāhiye. merā vītarāgī svabhāv main jānanevālā hū̃n. ye rāg merā svarūp nahīn hai. aur chaitanyakā gnāyak svabhāv hai vah merā svabhāv hai. aise svabhāvako pahachānakar rāgakī ruchi kam kare to vah manda hotā hai. bākī usakā nāsh pahale nahīn hotā, pahale usakā bhedagnān hotā hai ki ye rāg merā svabhāv nahīn hai, main usase bhinna jānanevālā, main vītarāgī svabhāv hū̃n. isaliye use bhinna karanekā prayatna kare. bhinna karanekā prayatna kare to vah manda hotā hai. pahale usakā bhedagnān karanekā prayatna karanā ki main gnāyak hūn̐ aur ye rāg-dveṣh haĩn. usakī ekatvabuddhi toḍanekā prayatna karanā.
mumukṣhuḥ- dūsarā prashna hai ki svādhyāy karane baiṭhe to thoḍī der man pirotā hai, parantu bīchamen dūsare vikalpa āte hain, to vah vikalpa na āye usakā upāy kyā hai?
samādhānaḥ- use badalate rahanā bārambār, vikalpa āye use (badalakar) bārambār svādhyāyamen chitta lagānā. anādikā abhyās hai isaliye dūsare vikalpa ā jāy to