44 bhī nahīn hogī. kisī bhī prakārakā guṇakā kārya (nahīn hogā). jo kevalagnān pragaṭ hotā hai vah bhī nahīn hogā, chāritra nahīn hogā, kuchh nahīn hogā. yadi akelā kūṭastha ho to koī kārya hī dravyamen nahīn hogā. akelā kūṭastha ho to. kathañchit pariṇāmī, apariṇāmī hai.
siddha bhagavān kevalagnān prāpta karake, svarūpamen unhen pariṇāmīpanā, pariṇām pariṇamate hī rahate haĩn. unhen pratyek guṇ pūrṇa ho gaye. to bhī pratyek guṇakā kārya agurulaghu svabhāvake kāraṇ sab pariṇamate hī rahate haĩn. ananta kāl paryant pariṇame to bhī usamen-se khālī hī nahīn hotā, utanākā utanā rahatā hai. gnān ananta kāl paryant pariṇame, ānanda ananta kāl paryant ānandakā sāgar pariṇamatā hai, to bhī usamen-se kam hotā hī nahīn, utanākā utanā rahatā hai. aisī dravyakī achintyatā hai. aisā hī koī dravyakā achintya pāriṇāmik svabhāv hai. aur sāthamen apariṇāmī hai ki jisamen-se kuchh kam nahīn hotā, pariṇame to bhī.
mumukṣhuḥ- pramāṇake viṣhayakā dravya len to kathañchit kūṭastha aur kathañchit pariṇāmī kah sakate hain, parantu jo dhruvatva bhāv hai use bhī kathañchit kūṭastha aur kathañchit pariṇāmī kah sakate hain?
samādhānaḥ- dr̥uṣhṭi ek dravya par jātī hai, usamen koī bhed nahīn paḍatā hai. isaliye dr̥uṣhṭikī apekṣhā-se to... dr̥uṣhṭi jahān̐ jāy vahān̐ gnān samyak hotā hai. dr̥uṣhṭi aur gnān donon sāthamen hī hote haĩn. akelī dr̥uṣhṭi ho to dr̥uṣhṭi samyak hotī hī nahī̃n. dr̥uṣhṭi kā viṣhay hī aisā hai ki ek par dr̥uṣhṭi kare. gnānakā viṣhay aisā hai ki vah donoṅko jāne. parantu dr̥uṣhṭi samyak tab hotī hai ki jab usake sāth gnān ho to. gnān dūsarā kām kare aur dr̥uṣhṭi dūsarā kām kare, gnān mithyā ho aur dr̥uṣhṭi samyak ho aisā nahīn banatā.
pramāṇagnānakā matalab vah koī jūṭhā nahīn hai. vah yathārtha gnān hai. dr̥uṣhṭikā viṣhay aisā hai. dr̥uṣhṭi ek par hī hotī hai. parantu gnān usake donon pahalūoṅkā vivek karatā hai. donon pahalūoṅkā vivek sādhak dashāmen sāthamen hī hotā hai. sādhak dashāmen donoṅkā vivek na ho to usakī sādhak dashā hī jūṭhī hogī. ek par hī dr̥uṣhṭi ho to usamen chāritradashā yā kevalagnān yā kuchh nahīn hogā. dr̥uṣhṭi-samyagdarshan jahān̐ huā vahān̐ sab pūrā ho jāyagā. abhī sādhak dashā adhūrī hai. gnān sab vivek karatā hai. dr̥uṣhṭiko pūjanik kahanemen ātā hai.
pramāṇako pūjanik kahoge to ye sab chāritrakī paryāy, kevalagnānakī paryāy koī pūjanik nahīn hogī. muktike mārgamen dr̥uṣhṭi mukhya hai, isaliye use pūjanik (kahate hain). (kyoṅki) muktikā mārga usase prārambh hotā hai. ataḥ use pūjanik (kahakar, gnānako