248
karanekī aisī shakti andar-se parīkṣhak shakti pragaṭ karanī chāhiye ki yah svabhāv hai, yah vibhāv hai. lekin vah huye binā nahīn rahatā, andar lagan lage to.
dev-guru-shāstra, gurudev kyā kahate hain, us āshayako grahaṇ karaneke liye svayam andar taiyārī kare aur antaramen chaitanyakā svabhāv grahaṇ karanekī aisī apanī tīkṣhṇa taiyārī kare to hue binā nahīn rahatā. upāy to ek hī hai. gnāyak tattva bhinna aur yah vibhāv svabhāv bhinna. main akhaṇḍa gnāyak hū̃n. usamen guṇabhed, paryāyabhedakā gnān usamen samā jātā hai. yathārtha dr̥uṣhṭi ho to usamen sab gnān samā jātā hai. vah bhed, vāstavik bhed guṇabhed, paryāyabhedakā gnān karatā hai. bākī vibhāv hai vah apanā svabhāv nahīn hai. usase bhinna paḍ jātā hai.
main chaitanyatattva bhinna hū̃n. usamen ananta guṇ-se bharā huā akhaṇḍa chaitanya hū̃n. usamen koī bhedabhāv nahīn hai. parantu vah lakṣhaṇabhed aur paryāyabhedakā gnān karatā hai. mārga to ek hī hai-bhedagnān karanekā upāya. parantu usake liye use taiyārī aur apanī pātratā taiyār karanī paḍatī hai.
ek ātmārthakā prayojan hai. bākī sab laukik prayojan usake āge gauṇ ho jāte hain, chhūṭ jāte haĩn. ek ātmārthakā prayojan rahatā hai.
mumukṣhuḥ- .. is kālamen āpakī bāt aisī hai. lekin pariṇaman nahīn ho rahā hai.
samādhānaḥ- svayaṅko karanā hai. bārambār usakā gholan, manan ādi karanā hai.
mumukṣhuḥ- aise pūjā karanī chāhiye, aisā hī karanā chāhiye. sarva pratham dr̥uṣhṭikā viṣhay hī grahaṇ karanā?
samādhānaḥ- ruchi to svabhāvako grahaṇ karanekī hotī hai. parantu jabatak nahīn hotā hai, tabatak bāharamen ashubhabhāv-se bachaneke liye shubhabhāv āye binā rahate nahī̃n. vah kahān̐ khaḍā rahegā? antaramen to sthir hotā nahīn, dr̥uṣhṭi bhī pragaṭ nahīn huyī hai, to līnatākī bāt to bādakī hai. dr̥uṣhṭi athavā līnatā antaramen jānekā kuchh pragaṭ nahīn huā hai, mātra ruchi karatā hai. ruchi svabhāvako grahaṇ karanekī hai, parantu usakā upayog kahān̐ sthir rahegā? isamen nahīn rahegā to ashubhamen jāyegā. shubhabhāvamen vah khaḍā rahatā hai.
svayaṅko pragaṭ nahīn huā hai, parantu jisane pragaṭ kiyā hai (aise) jinendra dev, guru aur shāstra par use mahimā aur bhakti āye binā nahīn rahatī. mahimā aur bhakti āye isaliye (kahatā hai ki) main kis tarah āpakī pūjā karun̐? kis tarah main bhakti, sevā karun̐? main meremen to kuchh pragaṭ nahīn kar sakatā hūn̐, parantu āpane jo kiyā usakā mujhe ādar hai. isaliye use bīchamen pūjā, bhakti ādi ātā hai. amuk aisā karanā hī chāhiye, aisā nahīn, parantu use aisī bhāvanā ātī hai. use ashubhakī ruchi nahīn