52 hai, isaliye shubhabhāvamen ātā hai. use shuddhātmākā dhyey hotā hai. shubhako sarvasva mān le to vah galat hai. use shraddhā (ho jāy ki) shubhamen sab ā gayā aur usamen merā dharma ho gayā. aisā māne to galat hai. parantu andar shuddhātmā pragaṭ karanekā (dhyey hai). shubhabhāv-se bhī main bhinna hū̃n. shraddhā to aisī hai, parantu usamen vah ṭik nahīn pātā, isaliye shubhabhāvamen, jis par svayaṅko prem hai, jisane pragaṭ kiyā, bhagavānane sampūrṇa pragaṭ kiyā, gurudev sādhanā karate hain aur shāstrommen usakī-ātmākī sab bāten ātī haĩn. unake liye main kyā karun̐? kyā karun̐ aur kyā na karun̐? isaliye use pūjā, bhakti, sevā ityādi sab ātā hai. guru-sevā, jinendra pūjā ādi ātā hai. svādhyāyādi ātā hai. vah khaḍā rahe to kahān̐ khaḍā rahegā?
mumukṣhuḥ- ashubhamen chalā jāyagā.
samādhānaḥ- ashubhamen chalā jāyagā. isaliye vah mahimāmen khaḍā rahatā hai. jinendrakī mahimā, gurukī mahimā. svayaṅko chaitanyakī mahimāke poṣhaṇake liye usamen khaḍā rahatā hai. us rāg-se antar kuchh pragaṭ hotā hai, aisī usakī shraddhā nahīn hai. parantu vah bīchamen ātā hī hai, āye binā nahīn rahatā. use aise tīvra kaṣhāy nahīn hote, manda paḍ jāte haĩn. isaliye jinendra pūjā, guru-sevā ādi sab ātā hai. jise gr̥uddhi nahīn hotī. jo sab vibhāv chhoḍaneke liye taiyār hotā hai, use vah sab manda paḍ jātā hai. mujhe ātmā kaise pragaṭ ho? aisī ruchi hai. main shuddhātmā nirvikalpa tattva hūn̐, mujhe koī vikalpa nahīn chāhiye. nirvikalpa tattva kaise pragaṭ ho? vah pragaṭ nahīn huā hai. usakī shraddhā yathārtha rūp-se jo honī chāhiye, vah bhī nahīn hai. mātra buddhi-se (nakkī) kiyā hai. to use shubhabhāvamen jinendra pūjā yā guru-sevā ādi sab ātā hai. svādhyāya.
shāstramen ātā hai na? shrāvakake kartavya. svādhyāy, dhyān ādi. parantu vah dhyān yathārtha dhyān nahīn hotā. shubhabhāvarūp hotā hai. (shubhabhāv-se) dharma hotā hai aisā vah nahīn mānatā. parantu shrāvak bahubhāg pūjā, bhakti, sevā ādimen juḍate haĩn.
mumukṣhuḥ- pūjya gurudevako to suvarṇapurīke prati bahut prem thā. to āpake pās to devake bhavamen-se āte hoṅge. hamen to bahut virah lagatā hai ki gajab ho gayā. tīrthaṅkarakā dravya is kālamen hamāre nasībamen kahān̐? hamāre bhāgyamen kahān̐?
samādhānaḥ- mahābhāgya bharatakṣhetrakā. gurudevakā yahān̐ avatār huā. itanā upadesh unakā āyā, koī apūrva vāṇī barasī. unakā tīrthaṅkarakā koī apūrva dravya thā. kitane lākhon, kroḍo jīvoṅko mārga batāyā. gujarātī, hindī sabako. (kitanoṅkā) nivās yahān̐ suvarṇapurīmen ho gayā. barason tak yahān̐ 45-45 sāl (vāṇī barasāyī). vihār har jagah karate the.