Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

252

sūkṣhma lakṣhaṇ gnānakā, vah main hū̃n. us taraph jāy, use lakṣhyamen le to buddhipūrvak hai. abhī nirvikalparūp pariṇati nahīn hai, nirvikalpa svānubhūti bhī nahīn hai, parantu use lakṣhaṇ- se pahachāne-nakkī kare ki jisamen vikalpa nahīn hain, mātra jānanā nirākul lakṣhaṇ hai, use pahachāne. bhale hī upayog palaṭ jāy to bhī bārambār grahaṇ karanekā prayatna kare. buddhi-se nakkī karane jāy aur upayog palaṭ jāy to use bārambār nakkī karanekā prayatna kare ki ye jo gnān lakṣhaṇ hai vahī main hūn̐ aur use dhāraṇ karanevālā chaitanya dravya padārtha so main hūn̐, isaprakār svayaṅke astitvako nakkī karaneke liye prayatna kare.

nirvikalpa pariṇati to bādamen hotī hai. pahale to use pratīt karatā hai ki yah astitva hai so main hū̃n. yah vibhāv main nahīn hū̃n. nirvikalpa svānubhūtimen jo ānanda vedanamen āye vah alag anubhavamen ātā hai. yahān̐ gnānamen to mātra use shānti, yah gnān lakṣhaṇ shāntivālā hai, utanā hī use grahaṇ hotā hai. ānandakī anubhūti to use nirvikalpa svānubhūtimen pragaṭ hotī hai. ātmā pūrā gnān, ānanda sāgar-se bharā, gnān-se bharā hai. vah use svānubhūtimen vedanamen ātā hai. yah to mātra use lakṣhaṇ-se pratītamen ātā hai. upayog palaṭ jāy to bārambār nakkī karanekā prayatna kare. vah sahaj na ho tabatak usakā prayatna karanā.

mumukṣhuḥ- anubhav hone-se pahale aisā sahaj hogā?

samādhānaḥ- anubhav pūrva use bārambār palaṭ jātā hai to bārambār abhyās kare to dr̥uḍhatā to ho. vāstavik sahajatā bādamen hogī, lekin ek dr̥uḍhatārūp ho sakatā hai.

mumukṣhuḥ- apūrva avasaramen munipadakī bhāvanā bhāyī hai. kyoṅki samyagdr̥uṣhṭi hai aur ātmāko dekhā hai. samyagdarshan prāpta hone pūrva jīv āge baḍhatā hai, vah astitvakī avyakta pakkaḍ-se āge baḍhatā hai? mithyādr̥uṣhṭine to kuchh dekhā nahīn hai. samyagdr̥uṣhṭine astitva dekhā hai aur munipadakī bhāvanā bhāte haĩn. mithyādr̥uṣhṭine astitva nahīn dekhā hai, to avyaktapane usake astitvake vishvās-se āge baḍhatā hai?

samādhānaḥ- hai hī, aise vah nakkī karatā hai. usake lakṣhaṇ-se pahachān sakatā hai. astitva dekhā nahīn hai, parantu use andar bhāv hotā hai ki yah lakṣhaṇ kisakā hai? yah chaitanyakā lakṣhaṇ hai. isaprakār mati-shrut dvārā nakkī karanekī usamen vaisī yogyatā hai ki pahale vah nakkī kar sakatā hai. sahaj bādamen hotā hai, parantu nakkī to kar sakatā hai.

mumukṣhuḥ- is or astitva aur is or vibhāv-se bhinna nāstitva, isaprakār āge (baḍhatā hai)?

samādhānaḥ- aisā abhyās karatā hai. anādi kāl-se usane bāhar-se munipanā

< Previous Page Next Page >