76 le liyā vah alag bāt hai. parantu jo jignāsākī bhūmikāmen hai, vah usakā abhyās karatā hai. bākī jo kuchh samajhate nahīn hai ki antaramen ātmākā astitva hai, ye vibhāv- se bhinna hai, usakī bāt nahīn hai. ve sab to kriyāmen paḍe haĩn. parantu jise ruchi huyī hai ki ātmā koī apūrva chīj hai aur muktikā mārga antaramen rahā hai, aisī ruchi hai, jignāsā hai, to vah bārambār abhyās-se āge baḍhatā hai ki yah chaitanyakā astitva bhinna hai, vibhāv bhinna hai. chaitanya ananta guṇ-se bharā hai. us prakārake abhyās-se vichār karake, nakkī karake āge baḍhatā hai.
bākī jo kriyāmen paḍe hain, jinhen kuchh ruchi nahīn hai, antaramen kuchh apūrvatā nahīn lagī hai, ve to bāhar kriyāmen paḍe haĩn. gurudevane aisā mārga batāyā ki andar koī vastu alag hai aur muktikā mārga antaramen hai. svānubhūti antaramen pragaṭ hotī hai. usakā abhyās karake āge baḍhatā hai ki main chaitanya bhinna, yah vibhāv bhinna hai. dravya-guṇ- paryāy ananta meeremen haĩn. main ek akhaṇḍa chaitanya hū̃n. guṇabhed nahīn hai, sab lakṣhaṇabhed hai. anek prakār-se nakkī karake tattvakā svarūp samajhakar āge baḍhatā hai.
samyagdarshanake bād to use āge baḍhaneke liye use munidashākī bhāvanā ātī hai. vah to svarūpakī dashā kaise baḍhe? svarūpakī dashā baḍhane par bāhar aisā nimitta-naimitkik sambandha hai ki use munipanā ā jātā hai. antaramen chaitanyakī pariṇatikī dashā kaise āge baḍhe, aisī bhāvanā hotī hai.
mumukṣhuḥ- jignāsukī bhūmikāmen chāhe jitane savāl āpako pūchhate hain aur javāb āte hain, usamen navīnatā ātī ho, sunate hī rahe, aisā hotā hai. bhale hī prashna ek jātake ho, parantu ... kuchh kahate haĩn.
samādhānaḥ- prashna ek jātake hon, javāb usī jātake hote haĩn.
mumukṣhuḥ- javāb to hamen bhinna-bhinna lagate haĩn. ... aise javāb āte haĩn. shalya asaṅkhya prakārake hain to bahut prakārake ...
samādhānaḥ- gurudevake pratāp-se guurudevane sabako antar dr̥uṣhṭi karavāyī ki antaramen mārga hai, aur kahīn nahīn hai. bākī to sab vratake divas āye to bāhar-se kuchh hotā hai. bāharake vrat aur upavās ādi bahut karen to apane dharma ho jātā hai, aisā sab mānanevāle jīv hote haĩn. parantu gurudevane antar dr̥uṣhṭi karavāyī. antaramen ho, usake sāth sab shubh pariṇām hote haĩn. ruchivāleko bhī hote haĩn. samyagdarshan honeke bād bhī shubhabhāv hote haĩn. munidashā honeke bād bhī pañch mahāvratādi hote haĩn. parantu vah heyabuddhi-se āte haĩn. apanī pariṇati nyārī ho gayī hai. svānubhūtikī dashā pragaṭ huyī hai.