252
mumukṣhuḥ- shubhabhāvakī maryādā use khyālamen ā gayī.
samādhānaḥ- khyālamen ā gayī hai.
samādhānaḥ- ... dev-guru-shāstrake sānnidhyamen ātmā kaise pragaṭ ho? ātmākā sānnidhya kaise pragaṭ ho, vah karanā hai. ātmā svayam hī hai. vah kaise grahaṇ ho, vah karane jaisā hai. bākī bahut sunā hai, bahut sāl paryanta. gurudevane bahut sunāyā hai aur bahut diyā hai use pighalānā hai. bahut sāl bīt gaye. karanekā ek hī hai. dev- guru-shāstrake sānnidhyamen ātmā kaise grahaṇ ho?
mumukṣhuḥ- .. yahī bhāvanā hai. āp ekakā ādhār hai abhī to.
samādhānaḥ- gurudev mile, baḍā ādhār (hai). gurudevane sabako bahut diyā hai. svāshray- ātmākā āshray (lenā) aur shubhabhāvamen dev-guru-shāstrakā āshraya.
mumukṣhuḥ- bahinashrī! ātmā sambandhit aisī kaun-sī bāt hai, jo pūrvamen kabhī sunī nahīn hai aur jo āpako anubhavamen ā gayī hai. āpake shrīmukh-se pratyakṣha sunanekī jignāsā hai.
samādhānaḥ- gurudev samakṣha bahut bāten sunane milī hai. jīvane ananta kālamen sunā hai vah mātra bāhya dr̥uṣhṭi-se hī sunā hai. shāstramen āve, bhagavānakī vāṇīmen āve, parantu jīvane antaramen jo usakā āshay hai use grahaṇ nahīn kiyā. gurudevakī vāṇīmen to bahut spaṣhṭa āyā hai. anubhavakī bāt gurudev spaṣhṭa kar-karake kahate the. muktikā mārga ekadam spaṣhṭa batāte the. parantu usakā āshay grahaṇ karanā vah apane hāthakī bāt rahatī hai.
jīvane bāhya dr̥uṣhṭi-se kriyā-se dharma ho, aisā mān liyā hai. itane shubhabhāv karen yā bāharake vrat karen yā niyam karen, yah karen, vah karen usamen-shubhabhāvommen dharma mānā hai. parantu shubhabhāv-se bhī ātmā bhinna ek shuddhātma tattva hai, use pahachānā nahīn hai. aur shuddhātmāmen sab bharā hai. usamen gnān, ānanda ādi ananta-ananta shaktiyān̐ usīmen bharī hai. usakī use apūrvatā nahīn lagī hai. sunā to kuchh apūrva hai, yah chaitanya vastu koī apūrva hai aur usamen sab apūrvatā bharī hai. aur gurudev kahate hain vah koī apūrva bāt kahate haiain, apūrva ātmākī bāt kahate haĩn. aisī apūrvatā andar-se jo laganī chāhiye, vah use lagī nahīn hai.
ātmā apūrva hai, usakī bāt bhī apūrva hai. usakī apūrvatā lage aur chaitanya svabhāvakī apūrvatā laganī chāhiye ki ātmā chaitanya koī adabhut vastu aur apūrva vastu hai. vah apūrvatā lage aur us or dr̥uṣhṭi kare, usakā gnān kare aur usamen līnatā kare to vah pragaṭ hotā hai.
shāstramen ātā hai, ananta kālamen vah bāt parichayamen nahīn āyī hai, anubhavamen nahīn