Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

82 upādān-nimittakā aisā sambandha hai.

mumukṣhuḥ- koī bār mātājī! (aisā lagatā hai ki) shuruātamen gurudevako sunate to tab atyanta ānanda aur ullāsapūrvak (sunate the). usake bād itane nirlaj ho gaye haĩn. ek bār nirlajja ho jāneke bād vah shabda asar nahīn karate. aisī sthiti ho gayī ho aisā lagatā hai. vahī shabda bār-bār sunate ho, isaliye pahale vahī shabda sunate vakta jo apūrvatā lagatī thī, (vah apūrvatā nahīn lagatī hai).

samādhānaḥ- apūrvatā lagatī thī. apanā puruṣhārtha utanā chalatā nahīn, isaliye aisā ho ki sunate rahate haĩn. puruṣhārtha āge gati kare nahīn, isaliye aisā ho jātā hai ki pahale sunate vakta ekadam āshcharya laganeke bajāy madhyam jaisā ho jātā hai.

mumukṣhuḥ- usakā matalab yah hai ki sunate hī usakā puruṣhārtha andar chālū rahe to us jātakī apūrvatā lage aur apūrvatā-se visheṣh ullās āye.

samādhānaḥ- visheṣh ullās āye. apanā puruṣhārtha āge nahīn baḍhatā hai, isaliye vah madhyam prakār-se sunatā rahatā hai. aisā ho jātā hai.

mumukṣhuḥ- pratyek samay sunate vakta āshcharyachakit ho jāy, to aisā kahā jāy ki isamen navīn-navīn (lagatā hai).

samādhānaḥ- to apanī visheṣh taiyārī honekā kāraṇ bane. puruṣhārtha adhik jāgr̥ut hotā hai.

mumukṣhuḥ- āpane kahā na ki āshay nahīn grahaṇ kiyā. sunane par bhī usakā āshay grahaṇ nahīn karatā hai.

samādhānaḥ- unhen gaharāīmen kyā kahanā hai? yā guruedav kyā kahate hain? vah āshay grahaṇ karake phir prayatna nahīn kiyā hai. pahale to vah āshay grahaṇ nahīn karatā hai. āshay grahaṇ karake phir jo puruṣhārtha apanā chalanā chāhiye, vah puruṣhārtha uṭhatā nahī̃n. gurudevane mārga batāyā ki mārga yah hai. use buddhimen grahaṇ huā, parantu antaramen use ūtārakar āge baḍhanā chāhiye, vah āge nahīn baḍhatā. to aise hī madhyamamen khaḍā rahatā hai. jis jātakī ruchi hai usamen visheṣh āge nahīn baḍhatā hai, isaliye aise hī khaḍā rahatā hai.

anādi kāl-se to kuchh sunane nahīn milā. koī bār milā to usane grahaṇ nahīn kiyā. aur grahaṇ kare to puruṣhārtha nahīn karatā hai. āshay grahaṇ kare to bhī āge nahīn baḍhatā. use buddhimen aisā nakkī hotā hai ki gurudevane yah mārga kahā hai. vikalpa-se ātmā bhinna hai, ātmā shāshvat hai, ātmākā svabhāv is vibhāv-se bhinna hai. guṇabhed, paryāyabhed vah bhed bhī vāstavikarūp-se ātmāmen nahīn hai. vah to akhaṇḍa svarūp hai. ye sab lakṣhaṇabhed hai. aisā buddhimen grahaṇ karatā hai, parantu antaramen jo pariṇati

< Previous Page Next Page >