100 hai. nahīn to usakā puruṣhārtha bār-bār chhūṭ jātā hai. vah mātra vikalpa-se nahīn ṭikatā. andar-se sachamūchamen lage to vah ṭike. vāstavamen lage to ṭike. to usakā kāryarūp āye. nirṇayakā kārya āye to pratīti pratītirūp kārya lāye.
mumukṣhuḥ- pahale to kyā hotā thā ki korā vikalpa thā. bhāvabhāsan jise kahen aisā nahīn thā. ab itanā khyālamen ātā hai ki is prakār-se yah gnāyak hai, usamen ahampanā karanā. parantu usamen ādhā ghaṇṭā, ek ghaṇṭā, do ghaṇṭā abhyās kiyā ho, parantu dūsarā prasaṅg āye isaliye turanta aisā lage ki rāgamen ekatā ho jātī hai.
samādhānaḥ- abhī sahaj nahīn hai, isaliye usamen phir-se ekatā ho jātī hai. use bārambār abhyās karanā chāhiye to hotā hai. aur rasapūrvak abhyās ho aur usīkī mahimā lage to vah abhyās bārambār ho.
mumukṣhuḥ- isīmen ugra abhyās, ruchi, puruṣhārtha aur mahimā. itanā use baḍhanā chāhiye.
samādhānaḥ- hān̐, vah baḍhanā chāhiye. abhyās, puruṣhārtha, ruchi, mahimā sab baḍhanā chāhiye.
mumukṣhuḥ- .. nirṇay to nirṇay hai. nirṇay ho to phir kyon haṭ jāy?
samādhānaḥ- nirṇayamen itanā ki yah main hūn̐, itanā. parantu yah main hūn̐, isase bhinna hū̃n. parantu bhinna bhinnatārūp kārya kare to pratītine kārya kiyā kahanemen āye. bhinnatārūp kārya nahīn ātā hai, tabatak pratīti jyoṅkī tyon buddhipūrvak rah jātī hai.
mumukṣhuḥ- bhinnatārūp kārya āve to use atīndriy ānandakā āve, aisā kahanā hai?
samādhānaḥ- bhinnatārūp kārya lākar vah yadi sahaj ho to use atīndriy āve.
mumukṣhuḥ- usake pahale bhinnatārūp kārya kis prakār-se?
samādhānaḥ- use bhedagnānakā kārya sahaj honā chāhiye. phir vah kitanī bār ho, vah usake puruṣhārtha (ādhārit hai). kisīko turanta atīndriy nirvikalpa svānubhūti ho, kisīko thoḍī der lage. parantu use sahaj bhedagnānakī dhārā honī chāhiye, to use hotā hai. usakā kāraṇ yathārtha ho to kārya ātā hai.
mumukṣhuḥ- anubhavake pahale bhī aisā koī judā kārya dikhatā hai?
samādhānaḥ- bhinna kārya use ānā chāhiye, bhedagnānakī dhārākā kārya ānā chāhiye. bhedagnānakā kārya... nirvikalpa dashākā jo yathārtha kāraṇ hai vah kāraṇ use yathārtha honā chāhiye.
mumukṣhuḥ- us jātakā kārya...
samādhānaḥ- hān̐, us jātakā kārya. nirvikalpa dashākā kāraṇ hai us jātakā. usake pahale to abhyās karatā rahe. abhyās chhūṭ jāy (to bār-bār kare).