134 pragaṭ kare to usane dravyadr̥uṣhṭi yathārtha pragaṭ kī hai. aisī gnāyakakī pariṇati antaramen-se pragaṭ kare to vah gnānanay aur kriyānayakī maitrī hai. to usamen-se use ātmākā svarūp jo ānanda svarūp hai, ānanda jisakā rūp hai, aisā jo chaitanya jo ananta gnān, ananta darshanasvarūp hai aisā jo ātmā, usamen use vah pragaṭ hotā hai. aisī bhedagnānakī jise pragaṭ ho, bārambār main gnāyak hūn̐, gnāyak hūn̐, aisā abhyās antar-se pariṇati pragaṭ karake vikalpa ṭūṭakar antaramen gnāyak hūn̐ us rūp līnatā kare, to ānanda jisakā rūp hai, ānandasvarūp jisakā ek rūp hai, aisā gnānasvabhāv use khīl uṭhatā hai. vah svayam nirvikalpa svarūpamen līn ho to usamen-se khīl uṭhatā hai.
gurudev vahī kahate the ki usamen gnāyak prakāshit ho uṭhe, us prakār-se usakī gnānanay, kriyānayakī maitrī-se chaitanyako us tarah vah grahaṇ karatā hai aur us prakār vah abhyās karatā hai to vah pragaṭ hotā hai. aisā ananta gnān jisakā svarūp hai, achal jisakī jyot hai, ki jisakī jyot, jisakā vīrya ananta hai, jo andaramen susthitapane sanyamarūp varte aisā ātmā pragaṭ hotā hai.
pahale ansh pragaṭ ho, svānubhūti ho, usakā prabhāt ho aur phir svayam akhaṇḍa ananta shaktiyon̐-se bharapūr pūrṇa svarūp hai. parantu usakā prabhāt hone-se pūrṇa kevalagnān pragaṭ hotā hī hai. isaliye pūrṇa kevalagnān usamen-se pragaṭ hotā hai. ananta gnān, ananta darshan, ananta bal, aur ānanda jisakā rūp hai, jisakā rūp ānanda hai aisā ātmā pragaṭ hotā hai. svānubhūtimen bhī jisakā ānanda rūp hai aisā ātmā pragaṭ hotā hai. aur pūrṇa dashāmen jisakā ānanda rūp hai, vaisā ātmā pragaṭ hotā hai. ananta gnān- se bharā ātmā hai ki jisakā koī pār nahīn hai aisā ananta gnān hai, aisā ananta darshan hai, aisā ananta bal hai, aisā ananta vīrya hai. aisā ananta-ananta use pragaṭ hotā hai.
bākī pragaṭ nahīn hotā hai, (kyoṅki) vah bāharamen ruk gayā hai. gnātā aur gneyakī ekatābuddhi (kar rahā hai). jo gney gnāt hotā hai aur main, use bhinna nahīn karatā hai. ekatāmen ruk gayā hai. bāharamen kartābuddhimen, bāhya kriyāom̐men mānon mainne bahut kiyā, usamen ruk gayā hai. aise sabamen ruk gayā hai. rāgakī kriyāommen rāg aur main donon ek hain, aise ruk gayā hai. usase bhinna paḍe ki main gnāyak hū̃n. jo gney gnāt ho usase bhinna main gnāyak hū̃n. jo rāg hotā hai usase bhedagnān karatā hai. main parapadārthakā kuchh kar nahīn sakatā, parantu main to gnāyak hū̃n. gnāyakamen merī pariṇati ho, gnāyakarūp main pariṇati karun̐ vahī merī kriyā hai. ye bāharakā karanā vah merī kriyā nahīn hai, vah to paradravyakī hai. usase bhinna paḍatā hai to usamen-se ananta gnān, ananta darshan, ānandarūp